ఎలాగైనా కొడుకుకి సరైన హిట్ ఇవ్వాలని పూరి జగన్నాథ్ గట్టి ప్రయత్నమే చేస్తున్నాడు. సినిమా నిర్మాణంలో అన్ని రకాలు పూరి జగన్నాథ్ సాయం చేశారని చెబుతున్నాయి టాలీవుడ్ వర్గాలు. ఇప్పుడు ప్రచారంలోనూ టాలీవుడ్ లీడింగ్ పీపుల్ను తీసుకొస్తున్నారు. ఈ క్రమంలో పూరి అండ్ సన్కి ఇస్మార్ట్ రామ్ కూడా సాయం చేశాడని టాక్. అవును ఆకాశ్ని ఓ హిట్ వాడిని చేయడం కోసం రామ్ కూడా ఓ చేయేశాడట. ‘రొమాంటిక్’ ప్రచారం కోసం ఇప్పటికే ప్రభాస్ తన ప్రేమ చూపించాడు.
ఆకాశ్, హీరోయిన్ కేతిక శర్మను ప్రత్యేకంగా ఇంటర్వ్యూ చేశాడు డార్లింగ్. ఇప్పుడు ఆ వీడియో సోషల్ మీడియాలో వైరల్గా మారింది. అందులో డార్లింగ్ పంచ్లకు నవ్వులే నవ్వులు. ఇప్పుడు ఈ సినిమా గురించి మరో ఆసక్తికర విషయం బయటికొచ్చింది. అదే రామ్ నటించాడనే మ్యాటచ్. ఇన్నాళ్లూ దాచిన విషయం ఇప్పుడు బయటికొచ్చింది. ‘రొమాంటిక్’లో ఓ మాస్ మసాలా పాట ఉందట. అందులో ఆకాశ్తో పాటు రామ్ కూడా కాలు కదిపాడట.
‘ఇస్మార్ట్ శంకర్’ టైమ్లోనే ‘రొమాంటిక్’ కూడా షూటింగ్ జరుపుకున్న విషయం తెలిసిందే. అప్పుడు పూరి అండ్ కో. కి రామ్ బాగా దగ్గరయ్యాడు. ఆ అనుబంధంతోనే సినిమాతో కాసేపు మాస్ స్టెప్పులేసి అలరించాడని టాక్. మరి ఆ మాస్ ఏంటో శుక్రవారం థియేటర్లలో చూడాలి.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్ ఎంతంటే?
