Ram, Balayya Babu: రామ్-బోయపాటి సినిమాలో ఇంట్రెస్టింగ్ ఎలిమెంట్!

June 18, 2022 / 06:18 PM ISTByFilmy Focus

Join Us

Ram, Balayya Babu: రామ్-బోయపాటి సినిమాలో ఇంట్రెస్టింగ్ ఎలిమెంట్!

రామ్ పోతినేని హీరోగా దర్శకుడు బోయపాటి శ్రీను ఓ సినిమాను రూపొందించనున్నారు. ఇటీవలే ఈ సినిమాకి సంబంధించిన అనౌన్స్మెంట్ వచ్చింది. ప్రస్తుతం రామ్.. లింగుస్వామి దర్శకత్వంలో ‘ది వారియర్’ అనే సినిమాలో నటిస్తున్నారు. ఈ సినిమా షూటింగ్ పూర్తి కాగానే.. బోయపాటి సినిమాను మొదలుపెట్టనున్నారు. అయితే ఈ కాంబినేషన్ కి సంబంధించిన ఓ వార్త ఇప్పుడు బయటకొచ్చింది. రామ్-బోయపాటి సినిమాలో బాలయ్య కూడా కనిపించబోతున్నారట. అయితే ఆయనేం ఈ సినిమాలో నటించడం లేదు.

కాకపోతే.. ఆయన ప్రస్తావన ఈ సినిమాలో ఉండబోతుందట. ‘జై బాలయ్య’ నినాదం బాలయ్య అభిమానులకు చాలా ఇష్టం. బాలయ్య ఉన్నా.. లేకపోయినా.. ‘జై బాలయ్య’ అనే నినాదం మాత్రం వినిపిస్తూనే ఉంటుంది. ఇతర హీరోల సినిమాల్లో కూడా ‘జై బాలయ్య’ అని అరుస్తుంటారు ఫ్యాన్స్. ఇప్పుడు బాలయ్య అభిమానులను ఆకట్టుకోవడానికి రామ్-బోయపాటి సినిమాలో ‘జై బాలయ్య’ నినాదాలతో మార్మోగిపోయేలా ఓ ఎపిసోడ్ ను రూపొందించనున్నారట. ఈ సినిమాలో రామ్..

బాలయ్య అభిమానిగా కనిపించనున్నారని.. ఓ సన్నివేశం మొత్తం బాలయ్య రిఫరెన్స్ లతో నిండిపోతుందని సమాచారం. ఆ సీన్ బాలయ్య ఫ్యాన్స్ కు పూనకాలు తెప్పించడం ఖాయమని అంటున్నారు. ఇదివరకు వెండితెరపై చాలా మంది హీరోలు బాలయ్య అభిమానులుగా కనిపించారు. అయితే ఇక్కడ ఈ సీన్ ను డిజైన్ చేసింది దర్శకుడు బోయపాటి. ఆయన బాలయ్యను వెండితెరపై ఎలా చూపిస్తారో తెలిసిందే. తన హీరోని బాలయ్య అభిమానిగా మార్చేస్తే ఏ రేంజ్ లో ఉంటుందో చూడాలి మరి!