ఒక పెద్ద హీరో సినిమా, అందులోనూ పాన్‌ ఇండియా సినిమా రిలీజ్‌ కోసం ఫిక్స్‌ చేసుకున్న డేట్‌లో మరో స్టార్‌ హీరో సినిమా వస్తోంది అంటే.. ముందుగా అనుకున్న సినిమా వాయిదా పడినట్లే. ఈ విషయంలో ఎవరికీ ఎలాంటి డౌట్స్‌ ఉండవు. ఇప్పుడెందుకు ఈ క్లారిటీ అంటే.. ‘పుకార్లు వస్తే క్లారిటీ ఇవ్వకుండా నవ్వుకునే’ ఓ సినిమా రిలీజ్‌ డేట్ మారుతోంది కాబట్టి. ముందుగా ఆ డేట్‌కి వస్తున్న సినిమా సంగతి చూద్దాం. తర్వాత ఆ నవ్వుకునే సినిమా సంగతి చూద్దాం.
ఆ మధ్య ఓసారి ‘పుష్ప’ (Pushpa2) సినిమా గురించి ఏదో పుకారు వచ్చింది లెండి. దానికి టీమ్‌ క్లారిటీ ఇవ్వకపోగా.. సెట్‌లో అది చూసి నవ్వుకున్నారట. ఈ విషయం అధికారికం కాదు కానీ.. గట్టిగా వినిపించిన రూమరే. అలా నవ్వుకున్నారు అంటున్న ఈ సినిమా వాయిదా పడింది అని పక్కాగా చెప్పేయొచ్చు. ఎందుకంటే ఆ సినిమా కోసం చెప్పిన ఆగస్టు 15 డేట్‌ను ‘డబుల్‌ ఇస్మార్ట్‌’ (Double Ismart) తీసుకుంది. అవును ఈ మేరకు అనౌన్స్‌మెంట్‌ కూడా అయిపోయింది.
రామ్ (Ram) – పూరీ జగన్నాథ్‌ (Puri Jagannadh) కాంబినేషన్‌లో తెరకెక్కుతున్న చిత్రం ‘డబుల్‌ ఇస్మార్ట్‌’. ఈ సినిమాను తొలుత మార్చిలో విడుదల చేయాలని అనుకున్నారు. అయితే పనులు పూర్తి కాకపోవడంతో వాయిదా వేశారు. తాజాగా ఆగస్టు 15న సినిమాను విడుదల చేస్తున్నట్లు అధికారికంగా ప్రకటించారు. దీంతో ‘పుష్ప’రాజ్‌ ఆ డేట్‌కి రాడు అని తేలిసే ఈ నిర్ణయం తీసుకున్నారు అని అంటున్నారు. అయితే ఇక్కడ డౌట్‌ ఎందుకు వాయిదా, ఎక్కడికి వాయిదా అని.
‘పుష్ప2’ షూటింగ్‌ చివరిదశలో ఉంది. పోస్ట్‌ ప్రొడక్షన్‌ పనులు ఉన్నాయి. ఇటీవల వచ్చిన ‘కపుల్‌’ సాంగ్‌లో కూడా విడుదల తేదీ ఆగస్టు 15 అనే పేర్కొన్నారు. మరిప్పుడు వాయిదా పడుతుందా అనేదే డౌట్‌. ఒకవేళ అదే అయితే ఈ సినిమా డిసెంబరులో వస్తుంది అని చెబుతున్నారు. అయితే అప్పటికే అక్కడ కొన్ని సినిమాలు సిద్ధంగా ఉన్నాయి. వాటి వాయిదా పంచాయితీ ఎక్కడికి వెళ్తుందో.
Home
