స్టార్ హీరోయిన్లుగా ఒక వెలుగు వెలిగిన హీరోయిన్లు క్యారెక్టర్ ఆర్టిస్టులుగా మారిన తర్వాత అదే విధంగా కెరీర్ ను కొనసాగించడం సాధ్యం కాదు. అయితే సీనియర్ స్టార్ హీరోయిన్ రమ్యకృష్ణ మాత్రం సెకండ్ ఇన్నింగ్స్ లో కూడా భారీస్థాయిలో ఆఫర్లను సొంతం చేసుకుంటున్నారు. బాహుబలి, బాహుబలి2 సినిమాల సక్సెస్ తో ఇతర ఇండస్ట్రీల్లో కూడా రమ్యకృష్ణకు మంచి పేరు వచ్చింది. ప్రస్తుతం రమ్యకృష్ణ బంగార్రాజు సినిమాలో నటిస్తున్నారు. లైగర్, రిపబ్లిక్ సినిమాల్లో కూడా రమ్యకృష్ణ కీలక పాత్రలు పోషిస్తున్నారు.
రమ్యకృష్ణ పారితోషికం ఎక్కువే అయినా రమ్యకృష్ణ నటిస్తే సినిమాలకు భారీస్థాయిలో బిజినెస్ జరుగుతుండటంతో రమ్యకృష్ణకు ఛాన్స్ ఇవ్వడానికి దర్శకనిర్మాతలు ఆసక్తి చూపుతున్నారు. చిరంజీవి బాబీ సినిమాలో రమ్యకృష్ణకు కీలక పాత్ర దక్కినట్టు తెలుస్తోంది. త్వరలోనే ఈ మేరకు అధికారిక ప్రకటన వచ్చే అవకాశాలు ఉన్నాయని సమాచారం. చిరంజీవి, రమ్యకృష్ణ కాంబినేషన్ లో ఇప్పటికే పలు సినిమాలు వచ్చాయి. ఒక సినిమాలో చిరంజీవికి చెల్లెలిగా నటించగా ముగ్గురు మొనగాళ్లు, అల్లుడా మజాకా, ఇద్దరు మిత్రులు సినిమాల్లో చిరంజీవికి రమ్యకృష్ణ జోడీగా నటించారు.
అంజి సినిమాలో చిరంజీవి హీరోగా నటించగా ఆ సినిమాలో రమ్యకృష్ణ స్పెషల్ సాంగ్ చేశారు. చాలా సంవత్సరాల తర్వాత చిరంజీవి సినిమాలో రమ్యకృష్ణ నటిస్తుండటంతో ఫ్యాన్స్ సంతోషిస్తున్నారు. త్వరలో రమ్యకృష్ణ పాత్రకు సంబంధించిన వివరాలు కూడా తెలిసే అవకాశాలు అయితే ఉన్నాయి. రమ్యకృష్ణ కెరీర్ ను చక్కగా ప్లాన్ చేసుకుంటూ ఆచితూచి ఆఫర్లను ఎంచుకుంటున్నారు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home