ఒకప్పుడు హీరోయిన్ గా ఎన్నో సినిమాలు చేసిన నటి రమ్యకృష్ణ టాలీవుడ్ లో స్టార్ హీరోయిన్ గా చెలామణి అయింది. దాదాపు అగ్ర హీరోలందరి సరసన నటించింది. తెలుగులోనే కాకుండా ఇతర భాషల్లో కూడా నటించి గుర్తింపు సంపాదించుకుంది. తన సెకండ్ ఇన్నింగ్స్ లో సైతం రమ్యకృష్ణ సత్తా చాటుతుంది. ‘బాహుబలి’ సినిమాలో శివగామి పాత్రలో ఆమె నటనకు మంచి పేరొచ్చింది. ప్రస్తుతం ఈమె ‘రిపబ్లిక్’ సినిమాలో కీలకపాత్ర పోషిస్తోంది. అలానే ‘క్వీన్’ వెబ్ సిరీస్ రెండో సీజన్ లో నటించనుంది.
ఇదిలా ఉండగా.. రమ్యకృష్ణ కన్నీళ్లు పెట్టుకున్న ఓ వీడియో ఇప్పుడు సోషల్ మీడియాలో చక్కర్లు కొడుతోంది. టీవీలో ఇండియన్ ఐడల్ 12 షోను చూసిన రమ్యకృష్ణ ఎమోషనల్ అయ్యారు. దానికి కారణం నటి రేఖ అని తెలుస్తోంది. ‘ఇండియన్ ఐడల్ 12’ షోకి రేఖ అతిథిగా హాజరైంది. షోలో భాగంగా ఆమె స్టేజ్ పై డాన్స్ చేసింది. 66 ఏళ్ల వయసులో రేఖా స్టేజ్ పై ఇలా పెర్ఫార్మ్ చేయడం అందరినీ కట్టిపడేసింది.
ఈ డాన్స్ వీడియో చూస్తూ రమ్యకృష్ణ కూడా భావోద్వేగానికి గురైంది. ఈ వీడియో తన ఇన్స్టాగ్రామ్ లో షేర్ చేస్తూ.. ‘మై గాడ్.. మై గాడెస్.. రేఖ గారు’ అంటూ క్యాప్షన్ జోడించింది. ఈ వీడియోకు లక్షల్లో లైకులు వస్తున్నాయి. రమ్యకృష్ణ కన్నీళ్లు పెట్టుకోవడం చూసిన నెటిజన్లు.. ఒక్కొక్కరు ఒక్కో విధంగా స్పందిస్తున్నారు.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
