రానా ఆరోగ్యానికి ఏమైంది? చాలా రోజుల క్రితం ఓసారి ఈ విషయం గురించి చర్చ వచ్చింది. మీరు కూడా వినే ఉంటారు. ఓ సందర్భంలో రానా కూడా తన ఆరోగ్య సమస్యల గురించి చెప్పుకొచ్చాడు. తాజాగా మరోసారి రానా ఆరోగ్యం గురించి వార్తలు వస్తున్నాయి. ‘రానా నాయుడు’ వెబ్‌ సిరీస్‌ ప్రచారం కోసం రానా ఇటీవల ఓ ఆంగ్ల మీడియాకు ఇంటర్వ్యూ ఇచ్చాడు. ఈ క్రమంలోనే తన ఆరోగ్య సమస్యల గురించి ప్రస్తావన వస్తే.. ఏం జరిగిందో వివరించాడు.
రానా అనారోగ్యం గురించి గతంలో వార్తలు వచ్చినప్పుడు వచ్చిన వివరాలే ఇప్పుడు చెప్పుకొచ్చాడు. అయితే ఇప్పుడు చెప్పిన విషయాల్లో అనారోగ్య తీవ్రత గురించి చెప్పాడు. తనకు పాక్షిక అంధత్వం ఉందని, అలాగే తన కిడ్నీలు ట్రాన్స్‌ప్లాంట్‌ జరిగాయని కూడా తెలిపారు. తన కంటి కార్నియల్‌ను మార్చారని చెప్పిన రానా.. తన రెండు కిడ్నీలను ట్రాన్స్‌ప్లాంట్‌ చేసిన విషయం కూడా వెల్లడించాడు. అందుకే ఒక్కోసారి తనకు తాను టెర్మినేటర్‌లా కనిపిస్తుంటానని తనపైనే తాను జోక్‌ వేసుకున్నాడు.
రానా కంటి కార్నియల్‌ను యువకుడిగా ఉన్నప్పుడే మార్చారని రానా చెప్పారు. దాంతోపాటు తనను నడిపించే మాటల్ని కూడా వివరించాడు రానా. ‘‘చాలామంది అనారోగ్యం పాలైనప్పుడు నిరాశతో అక్కడే ఆగిపోతారు. ఆ సమస్య సమసిపోయినా వాళ్లు అక్కడే ఉండిపోతారు’’ అని రానా కామెంట్‌ చేశాడు. నిజానికి రానా తన ఆరోగ్యం గురించి గతంలోనే మాట్లాడాడు. 2022లో సమంత ‘సామ్‌ జామ్‌’ షోలో తన ఆరోగ్యం గురించి చెప్పాడు.
జీవితంలో వేగంగా వెళ్తున్నప్పుడు ఓ పాజ్‌ బటన్‌ వస్తుంది. బీపీ, గుండె సంబంధిత చిన్నపాటి సమస్యలు, కిడ్నీ సమస్యలు లాంటివి అలానే నా జీవితంలోకి వచ్చాయి. ఆ సమయంలో నేను చాలా ఇబ్బంది పడ్డాను. కానీ మనోధైర్యంతో వాటిని ఎదుర్కొని ఇప్పుడు ఇలా మీ ముందు ఉన్నాను అంటూ రానా ఎంతో ధైర్యంగా చెప్పాడు. ఆ రోజుల్లో ఆయన చెప్పిన విషయాలు ఎంతో మందిని షాక్‌కి గురి చేశాయి. ఇప్పుడు మరోసారి ఆ విషయాలు చర్చకు వచ్చాయి.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
Home