Rana Daggubati: రానాకు అక్కడైనా న్యాయం జరుగుతుందా?

మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ రీమేక్ కు మొదట పరశురామ కృష్ణమూర్తి అనే టైటిల్ వినిపించింది. ఈ టైటిల్ విని అటు పవన్ ఫ్యాన్స్ తో పాటు ఇటు రానా ఫ్యాన్స్ కూడా సంతోషించారు. అయితే కొన్ని రోజుల క్రితం పవన్ పాత్ర పేరు భీమ్లా నాయక్ అని లీక్ కావడంతో పాటు టైటిల్ కూడా అదే ఫిక్స్ కావచ్చని కామెంట్లు వినిపించాయి. చివరకు భీమ్లా నాయక్ టైటిల్ గా ఫిక్స్ కావడం షాకవ్వడం రానా ఫ్యాన్స్ వంతైంది.

తెలుగులో కూడా ఇద్దరు హీరోల పేర్లు ఉండే విధంగా టైటిల్ ఫిక్స్ చేసి ఉంటే బాగుండేదని కామెంట్లు చేస్తూ రానా ఫ్యాన్స్ ఫైర్ అవుతున్నారు. ఫస్ట్ గ్లింప్స్ లో రానా కనిపించకపోవడం గురించి కూడా ఫ్యాన్స్ అసహనం వ్యక్తం చేస్తుండటం గమనార్హం. అయితే నిర్మాత నాగవంశీ మాత్రం ఇప్పుడే తుది నిర్ణయానికి రావద్దని చెబుతున్నారు. ప్రతిదీ టైమ్ ప్రకారం వస్తుందని వెయిట్ చేయాలని నాగవంశీ వెల్లడిస్తున్నారు.మరోవైపు త్రివిక్రమ్ భీమ్లా నాయక్ స్క్రిప్ట్ లో కూడా భారీగా మార్పులు చేసినట్టు వార్తలు ప్రచారంలోకి వచ్చాయి.

మరి సినిమాలో అయినా రానా పాత్రకు న్యాయం జరుగుతుందా..? అనే కామెంట్లు వినిపిస్తున్నాయి. థమన్ ఈ సినిమాకు సంగీతం అందిస్తుండగా భీమ్లా నాయక్ టీజర్ బ్యాక్ గ్రౌండ్ మ్యూజిక్ కాపీ అని సోషల్ మీడియాలో కామెంట్లు వ్యక్తమవుతున్నాయి. సితార ఎంటర్టైన్మెంట్స్ భారీ బడ్జెట్ తో ఈ సినిమాను నిర్మిస్తుండటం గమనార్హం.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!