రానా దెబ్బకి వెనక్కి తగ్గిన ఎన్టీఆర్

యంగ్ టైగర్ ఎన్టీఆర్, దగ్గుబాటి రానా మంచి స్నేహితులు, అలాంటిది రానా..ఎన్టీఆర్ కి షాకివ్వడం ఏమిటి అనుకుంటున్నారా?.. అయితే ఇది మాత్రం నిజం. రానా దెబ్బకు ఎన్టీఆర్ వెనక్కి తగ్గారు. వివరాల్లోకి వెళితే స్టార్ మా ఛానల్ వాళ్ళు రూపొందిస్తున్న రియాలిటీ షో బిగ్ బాస్ (తెలుగు). ఈ షో ఎన్టీఆర్ హోస్ట్ గా వ్యవహరిస్తున్నారు. అతని మాటల చాతుర్యంతో షోని విజయం దిశగా తీసుకెళ్లారు. వరుసగా నాలుగు వారాల పాటు బిగ్ బాస్ షోని నంబర్ వన్ స్థానంలో నిలబెట్టారు. అయితే తాజాగా గురువారం టెలివిజన్ రేటింగ్ పాయింట్ (టీఆర్పీ) రిపోర్ట్ వచ్చింది. ఇందులో మాత్రం  6.58 రేటింగ్ తో బిగ్ బాస్ షో రెండవ స్థానానికి పరిమితమయింది.

9.4 పాయింట్ తో రానా షో నంబర్ యారి మొదటి స్థానం కైవశం చేసుకుంది. ఇక షోలలో తర్వాతి స్థానాలను బోల్ బేబీ బోల్ (6 ), ఎక్స్ ట్రా జబర్దస్త్ (5.6) నిలిచాయి. సీరియల్స్‌ విషయానికి వస్తే కుంకుమపువ్వు10.7, స్వాతిచినుకులు 10, ముద్దమందారం 10, నందిని 6   రేటింగ్స్ పొందాయి. ఐదవ వారంలో బిగ్ బాస్ షో రేటింగ్ లో వెనక్కి తగ్గడంతో దానిని మరింత ఆకర్షణ గా తీర్చిదిద్దడానికి షో నిర్వాహకులు ప్రయత్నాలు మొదలు పెట్టారు.

Also, do SUBSCRIBE to our YouTube channel to get latest Tollywood updates.