Rana Remuneration: వామ్మో.. రానా రెమ్యునరేషన్ అన్ని కోట్లా?

September 24, 2021 / 10:16 PM ISTByFilmy Focus

Join Us

Rana Remuneration: వామ్మో.. రానా రెమ్యునరేషన్ అన్ని కోట్లా?

మలయాళంలో అయ్యప్పనుమ్ కోషియమ్ సినిమా ఏ రేంజ్ బ్లాక్ బస్టర్ హిట్ అనే సంగతి ప్రత్యేకంగా చెప్పాల్సిన అవసరం లేదు. పవర్ స్టార్ పవన్ కళ్యాణ్, రానా హీరోలుగా అయ్యప్పనుమ్ కోషియమ్ రీమేక్ భీమ్లా నాయక్ లో నటిస్తున్న సంగతి తెలిసిందే. ఈ సినిమా కోసం రానా 25 రోజుల కాల్షీట్లు కేటాయించారని నిర్మాతలు రానాకు ఏకంగా 4 కోట్ల రూపాయల పారితోషికం ఇస్తున్నారని తెలుస్తోంది. సినిమాలో రానా పాత్రకు ప్రాధాన్యత ఉండబట్టే ఈ స్థాయిలో పారితోషికం ఇస్తున్నారని సమాచారం.

రానా పాత్రను ఈ సినిమాలో నెగిటివ్ షేడ్స్ ఉన్న పాత్రగా చూపించనున్నారని తెలుస్తోంది. బాహుబలి సిరీస్ సినిమాలతో రానాకు పాన్ ఇండియా నటుడిగా ఇమేజ్ దక్కిందనే సంగతి తెలిసిందే. రానా సైతం ఒకవైపు సినిమాల్లో హీరోగా నటిస్తూనే ప్రాధాన్యత ఉన్న పాత్రలను ఎంచుకుంటున్నారు. పవన్ రానా పాత్రలు పోటాపోటీగా ఉంటాయని తెలుస్తోంది. ఇప్పటికే రిలీజైన రానా టీజర్ ప్రేక్షకులను ఆకట్టుకుంది. త్రివిక్రమ్ శ్రీనివాస్ ఈ సినిమాకు కథనం, మాటలు ఇస్తుండటంతో ఈ సినిమాపై భారీగా అంచనాలు పెరిగాయి.

డేనియల్ శేఖర్ పాత్రలో రానా ఏ స్థాయిలో మెప్పిస్తారో చూడాల్సి ఉంది. సినిమాలో పవన్ పాత్రకు రానా పాత్రతో పోలిస్తే ప్రాధాన్యత ఎక్కువగా ఉంటుందని తెలుస్తోంది. బిగ్గెస్ట్ మల్టీస్టారర్ గా భారీ బడ్జెట్ తో ఈ సినిమా తెరకెక్కుతుండటం గమనార్హం. రిలీజైన తర్వాత ఈ సినిమా ఏ స్థాయిలో రికార్డులు క్రియేట్ చేస్తుందో చూడాలి.