శర్వా హిట్టు కొట్టేలా ఉన్నాడే..!

‘పి.డి.వి.ప్రసాద్ సమర్పణలో ‘సితారా ఎంటర్టైన్మెంట్స్’ బ్యానర్ పై రూపొందిన చిత్రం ‘రణరంగం’. శర్వానంద్ హీరోగా కాజల్ అగర్వాల్, కళ్యాణి ప్రియదర్శన్ హీరోయిన్లుగా నటిస్తున్న ఈ చిత్రాన్ని ‘స్వామి రారా’ ఫేమ్ సుధీర్ వర్మ డైరెక్ట్ చేసాడు. సూర్య దేవర నాగవంశీ ఈ చిత్రానికి నిర్మాత. శర్వానంద్ కెరీర్లోనే భారీ బడ్జెట్ చిత్రం ‘రణరంగం’ అందంలో సందేహం లేదు. ఈ చిత్రం షూటింగ్ ఎప్పుడో కంప్లీట్ అయినప్పటికీ కొన్ని కారణాల వలన పోస్ట్ ప్రొడక్షన్ పనులు వాయిదా పడుతూ వచ్చాయి. ఎట్టకేకలకు ఈ చిత్రం విడుదలకు సిద్దమవుతుంది. ఇక ఈ చిత్రం ప్రమోషన్లను మొదలు పెడుతూ కొద్దిసేపటి క్రితమే టీజర్ ను వదిలారు.

• కల్కి రివ్యూ కోసం ఇక్కడ క్లిక్ చెయ్యండి
• బ్రోచేవారెవరురా సినిమా రివ్యూ కోసం ఇక్కడ క్లిక్ చెయ్యండి

శర్వానంద్ ఈ టీజర్లో ఓ గ్యాంగ్ స్టర్ గా కనిపిస్తున్నాడు. ‘దేవుడిని నమ్మాలంటే భక్తి ఉంటే సరిపోద్ది.. కానీ మనుషుల్ని నమ్మాలంటే దైర్యం కావాలి’ అంటూ సాగే డైలాగ్ తో టీజర్ మొదలైంది. టీజర్ చాలా స్టైలిష్ గా ఉంది. శర్వానంద్ మేకోవర్ బాగుంది. ప్రశాంత్ పిళ్ళై బ్యాక్ గ్రౌండ్ స్కోర్ కూడా ఆకట్టుకుంటుంది. నిర్మాణ విలువలు కూడా చాలా రిచ్ గా కనిపిస్తున్నాయి. ‘కోపాన్ని దాహాన్ని ఇంకొకడు శాసించే పరిస్థితుల్లో మనం ఉండకూడదు’ అనే డైలాగ్ కూడా హైలెట్ గా నిలుస్తుంది. ఈ టీజర్ చూస్తుంటే రాంగోపాల్ వర్మ ‘సత్య’ ఛాయలు కొంచెం కనిపిస్తున్నాయి. ‘కేశవ’ చిత్రం తర్వాత రెండేళ్ళ గ్యాప్ తీసుకుని ఈ చిత్రం చేసాడు సుధీర్ వర్మ. ఈ చిత్రంతో మరో హిట్టందుకుంటాడేమో చూడాలి..!