భారీ ఓపెనింగ్ కలక్షన్స్ కోసం సోలోగా వస్తున్న రంగస్థలం.!

సుకుమార్ దర్శకత్వంలో మెగా పవర్ స్టార్ రామ్ చరణ్ చేసిన ‘రంగస్థలం‘ సినిమాఫై ఫుల్ క్రేజ్ ఉంది. పీరియాడిక్ స్టోరిగా రూపుదిద్దుకున్న ఈ సినిమా (Rangasthalam movie) రేపు రిలీజ్ కాబోతోంది. చరణ్ కి జోడిగా తొలిసారి సమంత నటిస్తుండడం, పాతికేళ్ళనాటి కథ.. వంటి అంశాలు ఈ సినిమాని చూడాలనే ఆత్రుతని పెంచాయి. అలాగే ఈ మూవీ టీజర్, ట్రైలర్ సినిమాపై అంచనాలను పెంచాయి. వీటన్నిటితో పాటు సోలో రిలీజ్ కూడా రంగస్థలం ఓపెనింగ్స్ పై ప్రభావం చూపించనున్నాయి. రేపు తెలుగు రాష్ట్రాల్లో రంగస్థలం మినహా ఏ సినిమా విడుదల కావడం లేదు. సో ఇప్పటికే ఈ చిత్రం చూడాలనే కోరిక మెగా అభిమానుల్లో బలంగా ఉంది.

అత్యధిక థియేటర్స్ లో ఈ మూవీ ఉండడం వల్ల భారీ ఓపెనింగ్స్ రాబట్టే ఆస్కారం ఉంది. అంతేకాకుండా ఆంధ్రప్రదేశ్ ప్రభుత్వం స్పెషల్ షోలు వేయడానికి అనుమతి ఇచ్చింది. సాధారణ నాలుగు ఆటలతో పాటు ఉదయం 5 గంటల నుంచి 10 గంటల మధ్య కాలంలో అదనపు షో వేయనున్నారు. తెలంగాణలోనూ స్పెషల్ షో కోసం నిర్మాతలు ప్రయత్నిస్తున్నారు. ఇక్కడ కూడా అనుమతి లభిస్తే రంగస్థలం ఓపెనింగ్ కలక్షన్స్ లో రికార్డులు నెలకొల్పడం ఖాయమని ట్రేడ్ వర్గాల వారు తెలిపారు.