Rashmika: ఆ స్టార్ హీరోకు జోడీగా రష్మిక.. ఆ ఇండస్ట్రీలో తిరుగులేదుగా?

టాలీవుడ్ స్టార్ హీరోయిన్లలో ఒకరైన రష్మికకు (Rashmika) ప్రేక్షకుల్లో ఉండే క్రేజ్ అంతాఇంతా కాదు. రష్మిక రెమ్యునరేషన్ 4 కోట్ల రూపాయలకు అటూఇటుగా ఉన్నా ఆమెకు సినిమా ఆఫర్లు పెరుగుతున్నాయే తప్ప తగ్గడం లేదనే సంగతి తెలిసిందే. ప్రస్తుతం పుష్ప ది రూల్ (Pushpa: The Rule), ది గర్ల్ ఫ్రెండ్ సినిమాలలో రష్మిక నటిస్తుండగా తాజాగా ఆమె మరో కొత్త ప్రాజెక్ట్ కు గ్రీన్ సిగ్నల్ ఇచ్చినట్టు సమాచారం అందుతోంది. బాలీవుడ్ స్టార్ హీరో సల్మాన్ ఖాన్ కు (Salman Khan) జోడీగా రష్మిక నటించనున్నారని సమాచారం అందుతోంది.

రష్మిక ఈ సినిమాతో తన రేంజ్ ను సైతం మరింత పెంచుకోవడం గ్యారంటీ అని బాలీవుడ్ లో రష్మిక మరింత బిజీ అయ్యే ఛాన్స్ అయితే ఉందని సోషల్ మీడియా వేదికగా కామెంట్లు వ్యక్తమవుతూ ఉండటం గమనార్హన్. సల్మాన్ మూవీ రష్మికకు యానిమల్ రేంజ్ హిట్ అవుతుందని ఫ్యాన్స్ చెబుతున్నారు. మురుగదాస్ డైరెక్షన్ లో ఈ సినిమా తెరకెక్కనుండటంతో ఈ సినిమాపై అంచనాలు మరింత పెరుగుతున్నాయి.

సికిందర్ అనే టైటిల్ తో ఈ సినిమా తెరకెక్కుతోంది. రష్మిక తన సోషల్ మీడియా ద్వారా కొత్త సినిమా గురించి క్లారిటీ ఇచ్చారు. నా నెక్స్ట్ సినిమా ఏంటని సినీ ప్రియులు. అభిమానులు చాలా కాలం నుంచి అడుగుతున్నారని ఆమె పేర్కొన్నారు. దానికి ఇదే నా సర్ప్రైజ్ అని రష్మిక వెల్లడించారు. సికిందర్ సినిమాలో భాగం కావడం చాలా సంతోషంగా ఉందని ఆమె పేర్కొన్నారు. సల్మాన్ ఖాన్ తో స్క్రీన్ షేర్ చేసుకోవడం కోసం ఆత్రుతగా ఎదురుచూస్తున్ననని రష్మిక వెల్లడించారు.

2025 ఈద్‌కి ఈ సినిమా రిలీజ్ కానుందని ఆమె పేర్కొన్నారు. రష్మిక చెప్పిన ఈ విషయాలు నెట్టింట వైరల్ అవుతున్నాయి. రష్మిక క్రేజ్ ను అంతకంతకూ పెంచుకుంటుండగా భవిష్యత్తు సినిమాలు ఆమెకు ఎలాంటి ఫలితాలను అందిస్తాయో చూడాల్సి ఉంది. రష్మిక నక్క తోక తొక్కారని బాలీవుడ్ ఇండస్ట్రీలో ఆమెకు తిరుగులేదని ఫ్యాన్స్ చెబుతున్నారు.