Ravi Basrur: రవి బసృర్ పేరు వెనుక ఇంత కథ ఉందా.. ‘రెండు సార్లు చనిపోవాలనుకున్నానంటూ’

విశ్వక్ సేన్ అప్ కమింగ్ మూవీ ‘కల్ట్’ టీజర్ లాంచ్ వేడుక హైదరాబాద్లో జరిగింది. ఈ చిత్రానికి విశ్వక్ సేన్ దర్శకుడు అనే సంగతి తెలిసిందే. ‘కె.జి.ఎఫ్’ ‘కె.జి.ఎఫ్ 2’ ‘సలార్’ వంటి సినిమాలకి పనిచేసిన రవి బసృర్(Ravi Basrur) ఈ సినిమాకి సంగీతం అందిస్తున్నాడు. ‘కల్ట్’ టీజర్ లాంచ్ వేడుకలో రవి బసృర్ కి హీరో విశ్వక్ సేన్ రోలెక్స్ గోల్డ్ వాచ్ గిఫ్ట్ గా ఇచ్చాడు. ఈ సందర్భంగా రవి బసృర్ ఎమోషనల్ అయ్యాడు. అతని స్పీచ్ లో తన పేరు వెనుక ఉన్న సీక్రెట్ ని కూడా రివీల్ చేశాడు.

Ravi Basrur

రవి బసృర్ మాట్లాడుతూ.. “18 ఏళ్ళ వయసులో నేను 2 సార్లు బలవన్మరణానికి పాల్పడ్డాను. ఈ భూమి మనకి వద్దు అని డిసైడ్ అయ్యాను. అందరూ డబ్బు డబ్బు అనే అంటున్నారు అని సూసైడ్ చేసుకోవాలనుకున్నాను. అయితే రెండో సారి నన్ను ఓ వ్యక్తి కాపాడాడు. ‘ఎందుకు ఈ ఘోరానికి పాల్పడ్డావ్ అని అడిగితే.. కీబోర్డ్ లేదు పనిచేసుకుంటాను.. నాకు ఇవ్వండి అని అందరికీ అన్ని విధాలుగా చెప్పాను. ఎవ్వరూ వినలేదు’ అని అతనికి చెప్పాను.

ఆ వ్యక్తి నాకు రూ.35 వేలు ఇచ్చి కీ బోర్డు కొనుక్కోమని చెప్పాడు. అతని పేరు రవి. అది నా పేరు కాదు. కానీ ఆ రోజు నుండే నా పేరులో రవి యాడ్ చేసుకున్నాను. నా ఆఖరి శ్వాస వరకు రవి బసృర్ అనే పిలుస్తారు. దాని క్రెడిట్ మాత్రం అతనికే దక్కుతుంది. ఆ తర్వాత విశ్వక్ సేన్ నా టాలెంట్ ని గుర్తించాడు. నా జర్నీని అర్ధం చేసుకున్నాడు. అతనికి జీవితాంతం రుణపడి ఉంటాను. నా జీవితంలో ఈ ఇద్దరినీ ఎప్పటికీ మర్చిపోలేను” అంటూ ఎమోషనల్ గా చెప్పుకొచ్చాడు.

ఆ వెంటనే హీరో విశ్వక్ సేన్.. ‘సార్ హైదరాబాద్లో మీకు ఇల్లు ఉంది ఇప్పుడు. అది నా ఇల్లే’ అంటూ రవి బసృర్ ని దగ్గరకు తీసుకున్నాడు.దీనికి సంబంధించిన వీడియో ఇప్పుడు వైరల్ గా మారింది.

హీరోయిన్ నభా నటేష్ ప్లాన్ మాములుగా లేదుగా..!

నేను రెండు సార్లు చనిపోవాలనుకున్నా..
రెండోసారి నన్ను ఒకతను కాపాడాడు.. అతని పేరే రవి
అందుకే అతని పేరు నా పేరుగా మార్చుకున్నాను..

ఆ తర్వాత నాలోని సంగీతాన్ని గుర్తించింది విశ్వక్ సేన్ మాత్రమే#Cult #VishwakSen #RaviBasrur pic.twitter.com/RrvpniFFsC

— Filmy Focus (@FilmyFocus) February 21, 2026