టాలీవుడ్‌లో ఓ రీమేక్‌ సినిమా రెడీ అవుతోంది, సెట్‌ అవుతోంది అని అంటే… నెటిజన్ల ఫస్ట్‌ రియాక్షన్‌ ఏంటి అంటే… ‘ఆ సినిమా ఎందుకన్నా?’. మనవాళ్లు రీమేక్‌లు సరిగ్గా చేయరన్నా, లేక తమ హీరో స్ట్రయిట్‌ సినిమా చేయొచ్చు కదా అనే ఆలోచనో తెలియదు కానీ.. ఈ మాట అయితే కచ్చితంగా వస్తుంది. అయితే అక్కడ ఆ సినిమా విజయం అనుకున్నంత గొప్పగా ఉండకపోవడమూ మరో కారణం. ఇప్పుడు ఇలాంటి మాటలు పడుతున్న సినిమా, హీరో ఎవరు ఎంటే.. ‘రైడ్‌’, రవితేజనే. అవును ఈ సినిమా రవితేజ చేస్తాడు అనే మాట రావడమే.
హరీశ్‌ శంకర్‌ – రవితేజ కాంబినేషన్‌లో హ్యాట్రిక్‌ ప్రాజెక్ట్‌ ఓకే అయ్యిందని, త్వరలోనే ప్రారంభం అంటూ గత రెండు రోజులుగా సోషల్‌ మీడియాలో, టాలీవుడ్‌ వర్గాల్లో పెద్ద ఎత్తున చర్చ జరుగుతోంది. దీంతో ఓవైపు మాస్‌ మహారాజ్‌ ఫ్యాన్స్‌ ఆనందంలో ఉండగా, మరోవైపు ఆ సినిమా ఎందుకు అనే ఆందోళనలో ఉన్నారు. ఆ సినిమా హిట్‌ కాదు అని కాదు కానీ.. ఆ కాన్సెప్ట్‌లో సినిమా ఇప్పటికే తెలుగులో డబ్బింగ్‌ రూపంలో రావడమే. దానికి తోడు ఐదేళ్ల క్రితం సినిమా అది.
బాలీవుడ్‌ మంచి స్వింగ్‌లో ఉన్నప్పుడు అంటే 2018లో అజయ్ దేవగణ్‌ హీరోగా వచ్చిన సినిమా ‘రైడ్‌’. ఈ సినిమానే ఇప్పుడు రవితేజతో హరీశ్‌ శంకర్‌ తీస్తారు అని టాక్‌ నడుస్తోంది. దీంతో ఆ కథ రవితేజకు బాగా నప్పినా.. ఇప్పటికే అలాంటి సినిమా ‘గ్యాంగ్‌’ పేరుతో సూర్య చేశాడు. ఆ సినిమాకు సరైన విజయం దక్కలేదు. అయితే చాలామంది చూసేశారు. హిందీ సినిమా కూడా చూసేశారు. ఈ నేపథ్యంలో ఆ రీమేక్‌కి రవితేజ ఒప్పుకోకపోతే బాగుంటుంది అని నెటిజన్లు / ఫ్యాన్స్‌ సూచన. అయితే ఇలాంటి సినిమాలు చేయడంలో అంటే రీమేక్‌లు చేయడంలో హరీశ్‌ శంకర్‌ దిట్ట.
గతంలో ‘గబ్బర్‌ సింగ్‌’ లాంటి సినిమా ఇలా తీసుకొచ్చే అదరగొట్టారు. ఇప్పుడు ఇదే కాన్ఫిడెన్స్‌తో ఉన్నారు మరికొంతమంది రవితేజ ఫ్యాన్స్‌. మరి రవితేజ ఈ డిస్కషన్స్‌ చూస్తాడో, చూస్తే ఆ సినిమా విషయంలో ఏం నిర్ణయం తీసుకుంటాడో చూడాలి. అంతా ఓకే కానీ ‘ఉస్తాద్‌ భగత్‌ సింగ్‌’ ఉండగా హరీశ్‌ శంకర్‌ ఎందుకు మరో సినిమా చేస్తారు అనే డౌట్‌ వచ్చి ఉండొచ్చు. ఆ సినిమా ఆలస్యమే ఈ ప్రాజెక్ట్‌ ముందుకు రావడనికి కారణం అంటున్నారు.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
