మాస్ మహారాజ్ రవితేజ.. చాలా కాలం నుండీ సరైన హిట్టు కొట్టలేక ఇబ్బంది పడుతున్నాడు. ఒకప్పుడు మినిమమ్ గ్యారెంటీ హీరో.. అనే నమ్మకాన్ని సంపాదించుకున్న రవితేజ.. గత రెండేళ్లుగా వరుస ప్లాప్ లతో సతమతమవుతున్నాడు. ‘రాజా ది గ్రేట్’ తరువాత రవితేజ చేసిన ‘టచ్ చేసి చూడు’ ‘నేల టికెట్’ ‘అమర్ అక్బర్ ఆంటోని’ ‘డిస్కోరాజా’ చిత్రాలు ఘోర పరాజయాలను చవి చూశాయి. ఇప్పుడు ఎలా అయినా హిట్టు కొట్టాలని గోపీచంద్ మలినేని డైరెక్షన్లో ‘క్రాక్’ అనే చిత్రం చేశాడు.
నిజానికి గతేడాదే విడుదల కావాల్సిన ఈ చిత్రం కరోనా లాక్ డౌన్ కారణంగా షూటింగ్ కంప్లీట్ కాకపోవడంతో విడుదల కాలేదు. ఇప్పుడు థియేటర్లు తెరుచుకుని.. జనాలు థియేటర్లకు వస్తుండడంతో.. 2021 సంక్రాంతి కానుకగా విడుదల చెయ్యడానికి దర్శక నిర్మాతలు రెడీ అయ్యారు. జనవరి 9న ఈ చిత్రం విడుదల కాబోతుంది. కాగా.. తాజాగా ఈ చిత్రానికి సంబంధించిన సెన్సార్ కార్యక్రమాలు పూర్తయ్యాయి. ఈ చిత్రానికి సెన్సార్ బోర్డ్ వారు యూ/ఏ సర్టిఫికెట్ ను జారీ చేశారు. మాస్ ఆడియెన్స్ కు కావాల్సిన అన్ని అంశాలు ఈ చిత్రంలో పుష్కలంగా ఉన్నాయట.
ఫస్ట్ హాఫ్ మొత్తం రవితేజ ఎనర్జిటిక్ పెర్ఫార్మెన్స్ తో ఫ్యాన్స్ కు పూనకాలు తెప్పిస్తాడట.ఇక సెకండ్ హాఫ్ మొదటి భాగం కొంత ఎమోషనల్ గా సాగుతుందని.. అయినప్పటికీ క్లయిమాక్స్ బాగా వచ్చిందని తెలుస్తుంది. సముద్రఖని, రవితేజ,వరలక్ష్మీ శరత్ కుమార్ ల మధ్య వచ్చే సన్నివేశాలు ఆకట్టుకునే విధంగా ఉంటాయట. ఏదేమైనా ఈసారి రవితేజ హిట్టు కొట్టడం ఖాయమని వీరి రిపోర్ట్ ను బట్టి స్పష్టమవుతుంది.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
