ఆది సాయి కుమార్ తో ‘చుట్టాలబ్బాయి’, రవితేజ తో ‘నేల టిక్కెట్’ ‘డిస్కో రాజా’ వంటి ఫ్లాప్ సినిమాలను నిర్మించిన ‘ఎస్.ఆర్.టి ఎంటర్టైన్మెంట్స్’ అధినేత రమేష్ తాళ్లూరి.. ఇప్పుడు ఏకంగా పవర్ స్టార్ పవన్ కళ్యాణ్ తో సినిమా చేసే ఛాన్స్ కొట్టేసాడు. సురేందర్ రెడ్డి డైరెక్షన్లో ఈ చిత్రం తెరకెక్కనుంది. పవన్ కళ్యాణ్ కు అత్యంత సన్నిహితుడైన రామ్ తాళ్లూరి.. ఇప్పటి వరకూ మినిమం గ్యారెంటీ అనుకున్న డైరెక్టర్లతోనే పనిచేసాడు.
వీరభద్రం చౌదరి, కళ్యాణ్ కృష్ణ కురసాల, వి.ఐ ఆనంద్ వంటి దర్శకులు గతంలో హిట్లు ఇచ్చిన వాళ్ళే. అయినప్పటికీ ఈ నిర్మాతకు హిట్లు అందించలేకపోయారు. ఏదైతేనేం ఇప్పుడు పవన్ కళ్యాణ్ – సురేందర్ రెడ్డి ల ప్రాజెక్టు నిర్మించే ఛాన్స్ కొట్టేసారు. సురేందర్ రెడ్డి మెగా హీరోలందరికీ మంచి సినిమాలే చేసాడు. ‘సరైనోడు’ ‘ధృవ’ ‘సైరా నరసింహారెడ్డి’ వంటి చిత్రాలు అన్నీ హిట్లే..! ఇప్పుడు పవన్ తో కూడా మంచి కమర్షియల్ ఎలిమెంట్స్ ఉన్న సినిమాని తెరకెక్కిస్తే కచ్చితంగా అది బ్లాక్ బస్టర్ అయ్యే అవకాశం ఉంటుంది.
ఇక ఈ చిత్రానికి సురేందర్ రెడ్డి శిష్యుడు అయిన వక్కంతం వంశీ స్క్రిప్ట్ అందిస్తున్నాడని టాక్. ఈయన డైరెక్టర్ గా మారి అల్లు అర్జున్ తో ‘నా పేరు సూర్య’ చిత్రాన్ని తెరకెక్కించిన సంగతి తెలిసిందే. కానీ అది సరిగ్గా ఆడలేదు. అయినప్పటికీ ఈయన డైరెక్టర్ గానే కొనసాగాలి అనుకుంటున్నాడట.అయితే సురేందర్ రెడ్డి కోసం ఈ ఒక్క సినిమాకి రైటర్ గా పనిచేస్తున్నాడని తెలుస్తుంది.ఇక ఈ చిత్రాన్ని విజయదశమి రోజున లాంఛనంగా పూజా కార్యక్రమాలతో ప్రారంభించాలని ప్లాన్ చేస్తున్నారట దర్శకనిర్మాతలు.
Most Recommended Video
తన 24 ఏళ్ళ కెరీర్లో పవన్ కళ్యాణ్ రిజెక్ట్ చేసిన సినిమాలు… లిస్ట్ లో చాలా హిట్ సినిమాలు ఉన్నాయి!
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
