Ravi Teja: రవితేజతో అనుకున్న కథ కార్తీ వద్దకు..?!

రవితేజ(Ravi Teja) ఇప్పుడు ఫామ్లో లేడు. ఏ సినిమా చేసినా అతనికి వర్కౌట్ అవ్వడం లేదు. ఒకప్పుడు రవితేజ సినిమా అంటే మినిమమ్ గ్యారెంటీ అనే నమ్మకం నిర్మాతల్లో, ట్రేడ్ వర్గాల్లో ఉండేది. ఇప్పుడా నమ్మకం సన్నగిల్లింది. అందుకు కారణాలు ఏంటి అన్నది రవితేజకి మాత్రమే కాదు ఎవ్వరికీ తెలీడం లేదు. రవితేజ రొటీన్ అయిపోయాడు అని అనుకున్నప్పుడు ‘రావణాసుర’ ‘టైగర్ నాగేశ్వరరావు’ ‘ఈగల్’ వంటి సినిమాలు చేశాడు. అన్నీ కొత్త ప్రయత్నాలే. కానీ ఫలించలేదు. పైగా ఆ సినిమాల్లో రవితేజ ఎనర్జీ లెవెల్స్ మిస్ అయ్యాయి అనే కంప్లయింట్స్  కూడా వినిపించాయి.

Ravi Teja

అలా అంటున్నారు కదా అని ‘మిస్టర్ బచ్చన్’ వంటి మాస్ సినిమా చేశాడు. ఆడియన్స్ ఆదరించలేదు. తర్వాత గ్యాప్ తీసుకుని ‘మాస్ జాతర’ చేశాడు. దాన్ని కూడా తిప్పికొట్టారు. రూటు మార్చి ఫ్యామిలీ ఆడియన్స్ కోసం ‘భర్త మహాశయులకు విజ్ఞప్తి’ చేశాడు. దాన్ని కూడా పక్కన పెట్టారు. ఇప్పుడు పారితోషికం కూడా తగ్గించుకుని ‘ఇరుముడి’ అనే ప్రయోగాత్మక సినిమా చేస్తున్నాడు. శివ నిర్వాణ దీనికి దర్శకుడు. ఇదైనా సక్సెస్ అవుతుందేమో చూడాలి.

ఈ విషయాలు పక్కన పెట్టేస్తే.. రవితేజ కొన్ని హిట్ సినిమాలు కూడా వదిలేసి తప్పు చేస్తున్నాడేమో అనే ఫీలింగ్ కూడా ఫ్యాన్స్ లో ఉంది. ఉదాహరణకి ‘సార్’ సినిమా కథ వెంకీ మొదట రవితేజకి చెప్పాడు దర్శకుడు వెంకీ. కానీ రవితేజ దాన్ని పక్కన పెట్టాడు. దానికి ముందు ‘బింబిసార’ కథ కూడా మొదట విన్నది రవితేజనే. కానీ దాన్ని కూడా పక్కన పెట్టాడు. అవి 2 సూపర్ హిట్ అయ్యాయి.

ఇక ఇప్పుడు ‘మ్యాడ్’ ‘మ్యాడ్ స్క్వేర్’ చిత్రాల దర్శకుడు కళ్యాణ్ శంకర్ రవితేజ కోసం ఓ కథ రెడీ చేసుకున్నాడు. దాన్ని కూడా రవితేజ రిజెక్ట్ చేయడం జరిగింది. ఇప్పుడు అదే కథని కార్తీ ఓకే చేశాడు. ఇదొక మాస్ ఎంటర్టైనర్ అని తెలుస్తుంది. ‘సితార ఎంటర్టైన్మెంట్స్’ బ్యానర్ పై సూర్య దేవర నాగవంశీ ఈ చిత్రాన్ని నిర్మించనున్నారు. సమ్మర్ లో ఈ సినిమా సెట్స్ పైకి వెళ్ళే అవకాశాలు కనిపిస్తున్నాయి.

బింబిసార 2 ఇప్పట్లో లేనట్టేనా..?