తెలంగాణా పవర్ స్టార్ నితిన్ కు అసలు ఈ మధ్య టైమ్ సరిగ్గా కలసి రావడంలేదు. భారీ బ్యాక్ గ్రౌండ్ తో టాలీవుడ్ అడుగు పెట్టిన నితిన్ ఒకటి అరా సినిమా మినహా మిగిలిన సినిమాలు అన్నీ బాక్స్ ఆఫీస్ వద్ద డమాల్ మని, నిర్మాతలకు, బయ్యర్స్ కు నష్టాలే మిగిల్చాయి. అయితే దాదాపుగా నితిన్ కరియర్ అయిపోయింది అని అనుకుంటున్న తరుణంలో వచ్చిన ‘ఇష్క్’ సినిమా నితిన్ కు మళ్లీ పరిశ్రమలో జీవం పోసింది. ఇక ఇదిలా ఉంటే ఆ తరువాత వెంటనే మరో సినిమా హిట్ కావడంతో ఇక నితిన్ కు తిరుగు లేదు అని అనుకున్నారు ఆయన అభిమానులు. కానీ మళ్లీ నితిన్ కు బ్యాడ్ టైమ్ మొదలయింది. వెను వెంటనే తాను హీరోగా నటించిన సినిమా, నిర్మాతగా మారి తెరకెక్కించిన సినిమా రెండూ డమాల్ మనగా మళ్ళీ పక్కాగా కరియర్ ను ప్లాన్ చేసుకునే క్రమంలో తక్కువ పారితోషకానికే త్రివిక్రమ్ తో ‘అ..ఆ’ సినిమాకు ఒకే చెప్పాడు.
ఎన్నో ఆశలతో ఈ సినిమాలో నటిస్తున్న నితిన్ కు ఈ సినిమాలో తొలి లుక్ చేదు అనుభవాన్నే మిగిల్చింది. ఇంతకీ ఏమయ్యింది అంటే….‘అ ఆ’ ఫస్ట్ లుక్ నితిన్ కు ఏ మాత్రం నచ్చలేదని టాక్. దానికి కారణం లుక్ లో కిక్ లేకపోవడం కాదు….తనకు ఏ మాత్రం ప్రాముఖ్యత ఇవ్వకుండా కేవలం సమంతను మాత్రమే హైలెట్ చేస్తూ తనను వెనుక వైపు నుంచి చూపెడుతూ డిజైన్ చేయించడం.
అయితే ఏమనుకున్నాడో ఏమో….ఉండబట్టలేక…ఈ విషయాన్ని నితిన్, త్రివిక్రమ్ కు చెప్పేసాడంటా….ఇంకేముంది వెను వెంటనే…త్రివిక్రమ్ రంగంలోకి దిగి…నితిన్ హైలెట్ చేస్తూ మరో స్టిల్ ను విడుదల చేసే విధంగా సన్నాహాలు చేస్తున్నాడు అని టాక్. మరి భారీ హోప్స్ పెట్టుకుని ఫర్స్ట్ లుక్ కే ఇంత రాద్ధాంతం చేస్తున్న నితిన్, రేపు రిసల్ట్ లో ఏమైనా తేడా వస్తే ఏమయిపోతాడో పాపం.
