పవన్ కళ్యాణ్ గడ్డం తీయడానికి కారణం అదేనంట?

2019 ఏపీ ఎన్నికల్లో పవన్ కళ్యాణ్ ‘జనసేన’ పార్టీ ఘోర పరాజయం పాలైన సంగతి తెలిసిందే. దీంతో పవన్ రాజకీయాల్లో సెట్టవ్వడంటూ రక రకాల కామెంట్స్ వచ్చాయి. ఇదంతా పక్కన పెడితే.. ఎన్నికలు ముగిసాయి కాబట్టి పవన్ కళ్యాణ్ తిరిగి సినిమాలు చేస్తే బాగుణ్ణు అంటూ అభిమానులు కోరుకుంటున్నారు. ఇక తాజాగా పవన్ కళ్యాణ్ లేటెస్ట్ ఫోటో ఒకటి బయటకి వచ్చింది. ఎన్నికల ప్రచారంలో తెల్ల పంచె, తెల్ల లాల్చీ ధరించి బాగా గడ్డంతో కనిపించాడు పవన్ కళ్యాణ్. అయితే తాజాగా వచ్చిన ఓ ఫొటోలో పవన్ గడ్డం ట్రిమ్ చేసుకుని మంచి స్టైలిష్ గా కనిపిస్తున్నాడు. ఇంకేముంది పవన్ త్వరలోనే సినిమా చేయడానికి రెడీ అవుతున్నారని అందుకే ఇలా గడ్డం తీసేశారని తెగ ప్రచారం జరిగింది. అయితే ఆ ప్రచారంలో ఎంత మాత్రం నిజం లేదని.. దీని వెనుక కారణం వేరే ఉందని సమాచారం.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

వివరాల్లోకి వెళితే.. పవన్ అతి త్వరలో అమెరికాలో జరగబోయే తానా సభలకు వెళ్ళబోతున్నాడు. ఇందుకే పవన్ ఇలా గడ్డం తీసేశారని తెలుస్తుంది. పవన్ రెగ్యులర్ లుక్‌లోకి రావాలని తానా నిర్వాహకులు రిక్వెస్ట్ చేయడంతో పవన్ ఇలా గడ్డం తీసేశారట. అభిమానులు కూడా పవన్ గడ్డం తీసేసి తిరిగి తన రెగ్యులర్ లుక్ కు రావాలని కోరుకున్న సంగతి తెలిసిందే. సో ఈ రకంగా వాళ్ళ కోరిక నెరవేరింది. కానీ సినిమా తీసే అవకాశం ఉందా అంటే.. అది ఇప్పట్లో కష్టమే..! పార్టీని బలోపేతం చేస్తాను కానీ సినిమాలు మాత్రం చేయను అని పవన్ ఇప్పటికే ప్రకటించిన సంగతి తెలిసిందే. సో.. ‘గడ్డం తీసినంత ఈజీగా సినిమా తీయడు’ అంటూ సోషల్ మీడియాలో కామెంట్లు కూడా చేస్తున్నారు కొందరు నెటిజన్లు.