కత్తి మహేష్ పై విరుచుకుపడిన రేణూ దేశాయ్!

పవర్ స్టార్ పవన్ కళ్యాణ్ రాజకీయ ప్రవేశంపై పలు విమర్శలు చేసి వార్తల్లో నిలిచిన సినీ క్రిటిక్ కత్తి మహేష్.. మళ్లీ వార్తల్లోకి ఎక్కారు. మొన్నటి వరకు అభిమానులతో చీవాట్లు తిన్నప్పటికీ, వాటినేమీ పట్టించుకోకుండా మహేష్ మళ్లీ పవన్ విషయంలో తలదూర్చారు. బెంగుళూరులో సీనియర్ జర్నలిస్ట్ గౌరీ లంకేశ్ రెండు రోజుల క్రితం హత్యకు గురైంది. ఈ హత్యను ఖండిస్తూ అనేకమంది ట్వీట్స్ చేశారు. ఈ విషయం గురువారం రాత్రి పవన్ కల్యాణ్ కూడా ట్వీట్ చేశారు.  ఆమె పేరు గౌరీ లంకేశ్ అయితే గౌరీ శంకర్ అని రాసుకొచ్చారు.  దీన్ని గుర్తించిన మహేశ్ కత్తి… హత్యకు గురైన జర్నలిస్ట్ పేరు గౌరీ శంకర్ కాదు గౌరీ లంకేశ్ అని పవన్‌ని హేళన చేశారు.

పవన్ కల్యాణ్ కులాలకు, మతాలకు అతీతమైన వ్యక్తి మాత్రమే కాదు, జ్ఞానం లేని వ్యక్తని తనకు ఇప్పుడు అర్థమైందని మహేశ్ కత్తి విమర్శించారు. కత్తి మహేష్ మాటలపై పవన్ మాజీ భార్య రేణుదేశాయ్ ఆగ్రహం వ్యక్తం చేశారు. “నాకు కత్తి మహేష్ ఎవరో తెలియదు. ఇలాంటి వ్యక్తులందరూ ఏదో పబ్లిసిటీ కోసమే చీప్ కామెంట్లు చేస్తుంటారు. పవన్ కళ్యాణ్ వ్యక్తిత్వం గురించి పూర్తిగా తెలిసిన వారు తప్పుగా మాట్లాడారు” అని  పేర్కొంది. కత్తి మహేష్ తీరు చూస్తుంటే.. ఈ వివాదం ఇంతటితో ఆగేలా లేదు.

Also, do SUBSCRIBE to our YouTube channel to get latest Tollywood updates.