పవర్ స్టార్ వీక్ నెస్ ను బట్టబయలు చేసిన రేణుదేశాయ్!

మనిషన్నాక ప్రతి ఒక్కరికీ బలహీనతలుంటాయి. బలహీనతలంటూ లేనివాళ్ళు ఈ సమస్త భూప్రపంచంలో.. ఎంత పెద్ద భూతద్దం పెట్టి వెతికినా కనిపించరు గాక కనిపించరు. పవర్ స్టార్ పవన్ కళ్యాణ్ కు గల ప్రధాన బలహీనతను ఆయన మాజీ భార్య రేణుదేశాయ్ బయటపెట్టేశారు. అయితే ఈ బలహీనత ఆయన ప్రత్యర్థులకు ఉపయోగపడేది కాదు.. అభిమానులు గర్వంగా ఫీలయ్యేది.

తమ కుమార్తె ఆద్య అంటే పవన్ కు అమితమైన ఆపేక్ష అంట. పవన్ కళ్యాణ్ ను గట్టిగా నిలదీసే పవర్ ఆద్యకు మాత్రమే ఉందంట. రెండు రోజులు ఫోన్ చేయకపోతే గదమాయించి.. నెలలో ఒకసారైనా తన దగ్గరకు రాకపోతే వెంటనే రావాల్సిందిగా పవన్ కు హుకుం జారీ చేసే చనువు ఈ చిట్టితల్లికి మాత్రమే ఉన్నాయని రేణుదేశాయ్ చెప్పుకొచ్చారు. తన కూతురికి తెలుగు రాకపోవడంతో పవన్ కళ్యాణ్ కష్టపడి మరాఠీ నేర్చుకొన్నాడట పవన్ కళ్యాణ్.

ఈ విషయాలను చెబుతున్నప్పుడు ఆనందంతో ఉప్పొంగిపోతున్న రేణుదేశాయ్ ముఖం చూసి ఆనందించని అభిమాని లేడు. ఢిల్లీకి రాజయినా తల్లికి బిడ్డే అన్నట్లు.. ఎంత పవర్ స్టార్ అయినా.. కన్నబిడ్డ కళ్ళల్లో ఆనందం కోసం పరితపించే తండ్రే కదా.