బిగ్ బాస్ తెలుగు సీజన్ 6లో సెలబ్రిటీల రాకతో రెండోవారం బిగ్ బాస్ హౌస్ కలర్ ఫుల్ గా మారింది. శుక్రవారం ఎపిసోడ్ లో సుదీర్ బాబు, కృతిశెట్టి హౌస్ మేట్స్ ని పలకరించి హౌస్ లో సందడి చేశారు. శనివారం ఎపిసోడ్ లో అమల, శర్వానంద్ లు వచ్చి హౌస్ మేట్స్ ని స్టేజ్ పై నుంచే పలకరించారు. ఇక ఆదివారం అయితే తమన్నా ఏకంగా హౌస్ మేట్స్ కోసం ఒక కానుక కూడ తీస్కుని వెళ్లింది. దీంతో హౌస్ మేట్స్ లో రెట్టించిన ఉత్సాహం వచ్చింది.
బబ్లీ బౌన్సర్ సినిమా ప్రమోషన్స్ లో భాగంగా హౌస్ లోకి వచ్చిన తమన్నాని ఇంట్లో ఉన్న హౌస్ మేట్స్ ఉత్సాహంతో రిసీవ్ చేసుకున్నారు. ఇంట్లో ఉన్న మగవాళ్లు అందరూ తమన్నాని ఇంప్రెస్ చేయడానికి ట్రై చేశారు. అంతేకాదు, ఆడవాళ్లలో తమకి రక్షణని కల్పించే బౌన్సర్స్ ఎవరో చెప్తూ చేతికి బ్యాండ్స్ కూడా కట్టారు. దీంతో గేమ్ లో మంచి కిక్ వచ్చింది. ఆ తర్వాత తమన్నాని రేవంత్, ఆర్జే సూర్య, అర్జున్ కళ్యాణ్, శ్రీహాన్ నలుగురు ఇంప్రెస్ చేసేందుకు ప్రయత్నించారు.
రేవంత్ తన పాటతో తమన్నాని ఇంప్రెస్ చేస్తే, అర్జున్, శ్రీహాన్ తమన్నా పై ఉన్న అభిమానాన్ని చెప్తూ ఇంప్పెస్ చేసేందుకు ట్రై చేశారు. ఇక్కడే ఆర్జే సూర్య విజయ్ దేవరకొండలాగా, ప్రభాస్ లాగా , పవన్ కళ్యాణ్ లాగా మాట్లాడుతూ తమన్నాని మొదట్లోనే ఇంప్రెస్ చేసేశాడు. ఆ తర్వాత అల్లు అర్జున్ గొంతుతో డైలాగ్స్ చెప్పేసరికి తమన్నా ఇంప్రెస్ అయిపోయింది. తను తెచ్చిన గిఫ్ట్ హ్యాంపర్ ని సూర్యకి ఇచ్చేసింది.
తనకి ఉన్న మిమిక్రీ టాలెంట్ తోనే సూర్య తమన్నాని ఇంప్రెస్ చేయగలిగాడు. అందుకే ఆర్జే సూర్యని సెలక్ట్ చేసుకుంది తమన్నా. పవన్ కళ్యాణ్ వాయిస్ కి ఫిదా అయిపోయింది. అంతకుముందు శర్వానంద్ వచ్చినపుడు కూడా సూర్య ప్రభాస్ వాయిస్ ని, అలాగే రామ్ చరణ్ వాయిస్ లని ఇమిటేట్ చేసి తనలోని టాలెంట్ ని చూపించాడు. శర్వానంద్ రామ్ చరణ్ వాయిస్ వినగానే షాక్ అయిపోయాడు. యాజ్ టీజ్ చేశావంటూ పొగడ్తలతో ముంచెత్తాడు. మొత్తానికి మనోడు మంచి మిమిక్రీ వాయిస్ లు చేస్తూ హౌస్ లో ఫుల్ ఎంటర్ టైన్మెంట్ ఇస్తున్నాడు. అదీ మేటర్.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
