‘రౌడీ’బాయ్స్ వెర్సస్ ‘హీరో’ .. ఆ సినిమాకే ఎక్కువ ప్లస్..!

2022 వ సంవత్సరం ప్రారంభమై 12 రోజులు పూర్తయినప్పటికీ.. ఇంకా టాలీవుడ్ హిట్టు మొహం చూడలేదు. ఈ సంక్రాంతికి ‘ఆర్.ఆర్.ఆర్’ ‘రాధే శ్యామ్’ ‘భీమ్లా నాయక్’ వంటి చిత్రాలతో బాక్సాఫీస్ కళకళలాడుతుంది అనుకుంటే.. ‘అతిథి దేవో భవ’, ‘1945’ చిత్రాలతో చాలా నీరసంగా స్టార్ట్ అయ్యింది. ఈ సంక్రాంతికి ‘బంగార్రాజు’ ఒక్కటే పెద్ద సినిమా. మిగిలినవి అన్నీ చిన్నా చితకా సినిమాలే..! అయితే ఇద్దరు కొత్త హీరోలు ఈ సంక్రాంతి టాలీవుడ్ కు పరిచయమవుతున్నారు.

ఒకరు దిల్ రాజు తమ్ముడు కొడుకు ఆశిష్ కాగా మరొకరు కృష్ణ గారి మనవడు, మహేష్ బాబు మేనల్లుడు అయిన అశోక్ గల్లా. ‘రౌడీ బాయ్స్’ తో ఆశిష్ , ‘హీరో’ అంటూ అశోక్ గల్లా ప్రేక్షకులను పలకరించబోతున్నారు. ‘రౌడీ బాయ్స్’ .. జనవరి 14న విడుదల కాబోతుండగా, ‘హీరో’ జనవరి 15న విడుదల కాబోతుంది. ఈ ఇద్దరు డెబ్యూ హీరోల్లో హిట్టు కొట్టేది ఎవరు అనే ఆసక్తి ప్రేక్షకుల్లో నెలకొంది.

ఈ ఇద్దరు హీరోల సినిమాల ట్రైలర్లు బాగున్నాయి. ​ఇద్దరికీ స్టార్ హీరోయిన్లతో రొమాన్స్ మరియు లిప్ లాక్ లు పెట్టుకునే ఛాన్స్ దక్కింది. అయితే ‘రౌడీ బాయ్స్’ చిత్రాన్ని దిల్ రాజు నిర్మించాడు. అతని బ్యానర్ నుండీ వచ్చే సినిమా అంటే ప్రేక్షకుల్లో మంచి అంచనాలు ఉంటాయి. అంతేకాకుండా ‘బంగార్రాజు’ కంటే కూడా ఎక్కువ థియేటర్లను సొంతం చేసుకుంది ‘రౌడీ బాయ్స్’ చిత్రం. హీరో ఒకరోజు ఆలస్యంగా విడుదలవుతుంది కాబట్టి..

థియేటర్లు ఎక్కువ దొరికే అవకాశం లేదు. ఇక్కడ ‘హీరో’ తో పోలిస్తే ‘రౌడీ బాయ్స్’ కే ఎక్కువ ప్లస్ లు ఉన్నాయి. ఇక బాక్సాఫీస్ వద్ద ‘రౌడీ బాయ్స్’ టార్గెట్ రూ.10 కోట్లు కాగా, ‘హీరో’ టార్గెట్ రూ.8 కోట్లుగా ఉంది.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!