రాజమౌళి దర్శకత్వంలో తెరకెక్కుతున్న ‘ఆర్.ఆర్.ఆర్’ షూటింగ్ ఫైనల్ షెడ్యూల్ ఇటీవల మొదలైంది. ప్రస్తుతం యుక్రేన్ లో క్లైమాక్స్ ను చిత్రీకరిస్తున్నారు. ఒక పాటని కూడా చిత్రీకరిస్తున్నట్టు తెలుస్తుంది. ఈ నేపథ్యంలో ఈ బడా మూవీలో ఓ ఎన్టీఆర్ సరసన ఓ హీరోయిన్ గా చేస్తున్న ఐరిష్ ఉమెన్ ఒలీవా మోరిస్ కూడా ఈ షెడ్యూల్ లో జాయిన్ అయ్యింది. ఈ విషయాన్ని ఆమె తెలుపుతూ మేకింగ్ వీడియోలో ఈమె ఉన్న పిక్ ను షేర్ చేసింది.
‘ఓ ఇట్స్ గుడ్ టు బి బ్యాక్’ అంటూ ఓ కామెంట్ కూడా పెట్టింది. పాతదే అయినప్పటికీ ఈ ఫోటో మళ్ళీ వైరల్ అవుతుంది. ప్రస్తుతం చిత్రీకరిస్తున్న పాటలో ఈమె కూడా పాల్గొంటున్నట్టు స్పష్టమవుతుంది. ఓ ఫ్రీడమ్ ఫైటర్ ప్రేమలో పడిన బ్రిటీష్ అమ్మాయిగా.. ఒలీవా మోరిస్ ఈ సినిమాలో కనిపించబోతుంది. ఎక్కువగా ఇంగ్లీష్ టీవీ సిరీస్ లలో నటించే ఈ అమ్మడు తెలుగులో నటిస్తున్న మొదటి చిత్రం ఇది. ఇక మరో వారం రోజుల్లో ‘ఆర్.ఆర్.ఆర్’ షూటింగ్ మొత్తం పూర్తవుతుందట.
దాంతో టీం అంతా తిరిగి ఇండియాకి వచ్చేస్తారు. అటు తర్వాత పోస్ట్ ప్రొడక్షన్ పనులను యధావిధిగా నిర్వహిస్తారని తెలుస్తుంది. డివివి దానయ్య అత్యంత భారీ బడ్జెట్ తో ఈ చిత్రాన్ని తెరకెక్కిస్తున్నారు. రాంచరణ్ మరో హీరోగా నటిస్తున్న ఈ చిత్రంలో అలియా భట్, అజయ్ దేవగన్, శ్రీయ వంటి స్టార్లు కూడా నటిస్తున్న సంగతి తెలిసిందే.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
