RRR Dosti Song: ‘దోస్తీ’ అదిరింది… ఫీలింగూ అదిరింది!

పాటతో సినిమా కథ, కథనం మొత్తం చెప్పేయొచ్చా… అది కూడా అందంగా చెప్పేయొచ్చా. ‘ఆర్‌ఆర్‌ఆర్‌’లోని ‘దోస్తీ’ పాట వింటే మీకే అర్థమైపోతుంది. స్నేహితుల దినోతవ్సం సందర్భంగా చిత్రబృందం ప్రత్యేకంగా రూపొందించిన ఈ పాటను విడుదల చేసింది. కీరవాణి సారథ్యంలో హేమచంద్ర (తెలుగు), అమిత్‌ త్రివేది (హిందీ), అనిరుధ్‌ (తమిళం), యాసిన్‌ నజీర్‌ (కన్నడ), విజయ్‌ ఏసుదాస్‌ (మలయాళం) ఐదు భాషల్లో ఈ పాట పాడారు.

‘ఆర్‌ఆర్‌ఆర్‌’లో రామ్‌చరణ్‌-తారక్‌ల స్నేహానికి ప్రతీకగా ఈ పాటను రూపొందించినట్లు అర్థమవుతోంది. సినిమా కాన్సెప్ట్‌ను చెబుతూనే, పాత్రల తీరుతెన్నులు కూడా పాటలో వినిపించేశారు. ప్రత్యేకంగా వేసిన సెట్‌లో నిప్పు, నీరు చూపిస్తూ పాటను అదరగొట్టారు జక్కన్న అండ్‌ టీమ్‌. కీరవాణి సంగీతం గురించి ప్రత్యేకంగా చెప్పాలా… తనకు మాత్రమే సాధ్యమైన మ్యూజిక్‌తో పాటను హైట్స్‌కు తీసుకెళ్లారు.

‘ఆర్‌ఆర్‌ఆర్‌’ చిత్రానికి రాజమౌళి దర్శకత్వం వహించారు. ఇందులో అల్లూరి సీతారామరాజుగా రామ్‌చరణ్‌, కొమురంభీమ్‌గా తారక్‌ కనిపించనున్నారు. ఆలియాభట్‌, ఒలీవియా మోరీస్‌, శ్రియ, అజయ్‌ దేవ్‌గణ్‌, సముద్రఖనితోపాటు ఇతర ప్రముఖ నటీనటులు కీలకపాత్రలు పోషించారు. అక్టోబర్‌ 13న ఈ సినిమా ప్రేక్షకుల ముందుకు తీసుకొస్తారు. మేకింగ్ వీడియోతో రాజమౌళి మెస్మరైజ్‌ చేయగా, ఈ పాటతో కీరవాణి తన సత్తా చూపించారు.

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!