ఆస్కార్ వేడుకలకు వెళ్లకపోవడానికి అదే కారణం!

March 21, 2023 / 06:47 PM ISTByFilmy Focus

Join Us

ఆస్కార్ వేడుకలకు వెళ్లకపోవడానికి అదే కారణం!

రాజమౌళి దర్శకత్వంలో ఎంతో ప్రతిష్టాత్మకంగా ప్రేక్షకుల ముందుకు వచ్చిన RRR సినిమాని నిర్మాత దానయ్య ఎంతో ప్రతిష్టాత్మకంగా నిర్మించారు. ఈ సినిమా అంతర్జాతీయ స్థాయిలో ఎంతో మంచి గుర్తింపు సంపాదించుకోవడమే కాకుండా ఆస్కార్ అవార్డు గెలుచుకుంది. ఇలా ఈ సినిమా ఆస్కార్ మాత్రమే కాకుండా గోల్డెన్ గ్లోబ్, ఫిలింఫేర్, హాలీవుడ్ క్రిటిక్స్ అసోసియేషన్ అవార్డ్స్ ఇలా ఎన్నో అవార్డులను అందుకుంది. అయితే ఈ అవార్డు వేడుకలకు చిత్రబృందం మొత్తం హాజరై సందడి చేశారు.

ఇలా ఈ సినిమాకు ఇంత మంచి పేరు ప్రఖ్యాతలు ఇన్ని అవార్డ్స్ వస్తున్నప్పటికీ ఏ కార్యక్రమంలో కూడా నిర్మాత దానయ్య పాల్గొనలేదు. ఇలా దానయ్య ఈ అవార్డు కార్యక్రమాలలో పాల్గొనకపోవటానికి కారణం ఏంటనేది తెలియలేదు. అయితే రాజమౌళితో ఉన్న విభేదాల కారణంగా ఈయన ఏ వేడుకలకు పాల్గొనలేదంటూ కూడా వార్తలు వచ్చాయి అయితే తాజాగా దానయ్య ఈ వార్తలపై స్పందించారు. ఈ సందర్భంగా ఒక ఇంటర్వ్యూలో పాల్గొన్నటువంటి ఈయన తనకు హంగు ఆర్భాటాలు ఏమాత్రం నచ్చవు..

నాకు సింపుల్ గా ఉండటమే ఇష్టం అందుకే ఆస్కార్ వేడుకలకు వెళ్లలేదని ఈయన క్లారిటీ ఇచ్చారు. ఇక నాటు నాటు పాటకు ఆస్కార్ అవార్డు రావడం ఎంతో గర్వకారణంగా ఉంది. ఈ సినిమాకు నిర్మాత ఎవరు అంటే దానయ్య అని చెబుతారు నాకు అది చాలు అంటూ ఈయన తెలిపారు. ఇక ఆస్కార్ వేడుకల కోసం 80 కోట్లు ఖర్చు చేశారని వార్తలు వచ్చిన సంగతి తెలిసిందే. ఈ వార్తలపై కూడా ఈయన స్పందించారు.

తాను ఆస్కార్ అవార్డు ప్రమోషన్ల కోసం 80 కోట్లు ఖర్చు చేయలేదని తెలిపారు. మరి రాజమౌళి గారు ఖర్చు చేశారా అంటే ఆ విషయం తనకు తెలియదని చెప్పారు.అయినా ఒక సినిమాకు ఈ స్థాయిలో లాభాలు రావు అలాంటిది ఆస్కార్ వేడుకల కోసం 80 కోట్లు ఖర్చు పెట్టడం అసాధ్యం ఇవన్నీ ఒట్టి పుకార్లు మాత్రమే అంటూ ఈయన కొట్టి పారేశారు.