‘జాతిరత్నాలు’ టీమ్‌కి ‘RRR’ గిఫ్ట్‌ చూశారా?

ఒక్కోసారి సినిమా ఇండస్ట్రీలో స్పోర్టివ్‌నెస్‌, స్నేహం, అభిమానం చూస్తే… చాలా ముచ్చటేస్తుంటుంది. పక్క హీరో సినిమా వస్తోందంటే… ఫలితం ఏంటి అనేది పక్కనపెట్టి, ముందుగా వాళ్ల మంచిని ఆకాంక్షిస్తుంటారు. తమదైన శైలిలో వాళ్లకు శుభాకాంక్షలు చెబుతూ ఉంటారు. వన్స్‌ ఫలితం రాగానే, దానిని కూడా సెలబ్రేట్‌ చేసుకుంటారు. సోషల్‌ మీడియా వచ్చాకనే ఇది ఎక్కువైందని చెప్పాలి. సినిమా విడుదల అనగానే… మిగిలిన చిత్రాల సోషల్‌ మీడియా అకౌంట్స్‌లో ట్వీట్లు కనిపిస్తున్నాయి. తాజాగా ఇలాంటి పరిస్థితి కనిపించింది.

నాగ్‌ అశ్విన్‌ నిర్మాతగా రూపొందిన ‘జాతిరత్నాలు’ ఇటీవల విడుదలైన విషయం తెలిసిందే. బాక్సాఫీసు దగ్గర సినిమా నవ్వులతోపాటు, కాసులూ కురిపిస్తోంది. ఈ నేపథ్యంలో RRR సినిమా టీమ్‌ వెరైటీగా విష్‌ చేసింది. మనకు తెలిసిన జాతి రత్నాలు నవీన్‌ పొలిశెట్టి, ప్రియదర్శి, రాహుల్‌ రామకృష్ణ అయితే… ‘ఆర్‌ఆర్‌ఆర్‌’ విడుదల చేసిన జాతిరత్నాలు… రాజమౌళి, ఎన్టీఆర్‌, రామ్‌చరణ్‌. అవును ఈ ముగ్గురు జాతిరత్నాలు గెటప్‌లో ఓ క్యారికేచర్‌ను పోస్ట్‌ చేసి విష్ చేశారు.

ఇక ఆ పోస్టర్‌లో ఆసక్తి రేపే ఇంకో మేటర్‌ ఏంటంటే… పోస్టర్‌లో ముగ్గురికీ ఇచ్చిన నెంబర్లు. ఆర్‌ఆర్‌ఆర్‌ టీమ్‌ విడుదల చేసిన పోస్టర్‌లో ఎన్టీఆర్‌కు 840 ఇవ్వగా, రాజమౌళికి 420 ఇచ్చారు. ఇక రామ్‌చరణ్‌కు 210 ఇచ్చారు. అంటే చెర్రీకి డబుల్‌ రాజమౌళి అయితే… ఆయనకు డబుల్‌ ఎన్టీఆర్‌ అన్నమాట. ఇదంతా పక్కనపెడితే… ఈ విషెస్‌ కాన్సెప్ట్‌ ఏదో బాగుంది కదా.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!