కరోనా సెకండ్ వేవ్ తర్వాత స్టార్ హీరో బాలకృష్ణ ధైర్యంగా అఖండ సినిమాను విడుదల చేయగా తెలుగు రాష్ట్రాల్లో అఖండ రికార్డ్ స్థాయిలో కలెక్షన్లను సాధించింది. 16 రోజుల్లో ఈ సినిమాకు 65 కోట్ల రూపాయలకు పైగా కలెక్షన్లు వచ్చాయి. ఫుల్ రన్ లో అఖండ మరో కోటి రూపాయల కలెక్షన్లను సాధించే అవకాశం ఉంది. నిన్న పుష్ప మూవీ రికార్డు స్థాయిలో థియేటర్లలో రిలీజ్ కావడంతో అఖండ మూవీ ప్రస్తుతం పరిమిత సంఖ్యలో థియేటర్లలో ప్రదర్శితమవుతోంది.
అఖండ బాలయ్య సినీ కెరీర్ లో మెమరబుల్ హిట్ గా నిలవడంతో అభిమానులు సంతోషిస్తున్నారు. అయితే అఖండ ప్రభావం ఆచార్య మూవీపై పడిందని తెలుస్తోంది. వచ్చే ఏడాది ఫిబ్రవరి 4వ తేదీన ఆచార్య సినిమా రిలీజ్ కానుంది. చిరు, చరణ్ కలిసి నటించిన ఈ సినిమా ఫైనల్ కాపీ ఇప్పటికే సిద్ధమైంది. అయితే ఈ సినిమా స్టోరీ లైన్ ఫ్లాట్ గా ఉందని మెగాస్టార్ భావించారని అఖండ చూసిన తర్వాత మెగాస్టార్ లో ఈ భావన మరింత పెరిగిందని సమాచారం.
అఖండ సినిమాలోలా ఆచార్య సినిమాలో కూడా దేవుడు, దేవాలయాలకు సంబంధించిన సన్నివేశాలు ఉంటాయి. ఈ సినిమాలో మాస్ ఎలిమెంట్స్ ఉంటే బాగుంటుందని మెగాస్టార్ భావించారని ఆచార్య మూవీలోని కొన్ని సీన్లను రీషూట్ చేసే ఛాన్స్ ఉందని ఇండస్ట్రీ వర్గాల్లో వినిపిస్తోంది. అయితే మెగా ఫ్యాన్స్ మాత్రం ఈ వార్తలో నిజం లేదని భావిస్తున్నారు. చిరంజీవి ప్రస్తుతం ఇతర సినిమాల షూటింగ్ లతో బిజీగా ఉన్నారు. చరణ్ మరో మూడు వారాల పాటు పూర్తిస్థాయిలో ఆర్ఆర్ఆర్ ప్రమోషన్స్ కు పరిమితం కానున్నారు.
అందువల్ల చరణ్ ఆచార్య రీషూట్ లో పాల్గొనే అవకాశం లేదు. వైరల్ అవుతున్న ఈ వార్త గురించి ఆచార్య మేకర్స్ స్పందిస్తారేమో చూడాల్సి ఉంది. భారీ బడ్జెట్ తో తెరకెక్కిన ఈ సినిమాలో చిరంజీవి, చరణ్ నక్సలైట్ రోల్స్ లో కనిపించనున్నారు. మెగా ఫ్యాన్స్ ఈ సినిమా కోసం ఆసక్తిగా ఎదురు చూస్తున్నారు.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home