Baahubali 3: బాహుబలి3 విషయంలో జక్కన్న ప్లాన్ ఏంటి.. ప్రభాస్ అంగీకరిస్తారా?

స్టార్ డైరెక్టర్ రాజమౌళి (Rajamouli) గతంతో పోల్చి చూస్తే నిదానంగా సినిమాలను తెరకెక్కిస్తున్నారని ప్రేక్షకుల నుంచి కామెంట్లు వ్యక్తమవుతున్నాయి. మహేష్ సినిమా పూర్తి కావడానికి మరో మూడేళ్ల సమయం పట్టే అవకాశాలు అయితే ఉన్నాయి. మహేష్ (Mahesh Babu) జక్కన్న కాంబో మూవీ షూటింగ్ మొదలుకావడానికి మరి కొంత సమయం పట్టే అవకాశం ఉంది. ఈ సినిమా తర్వాత జక్కన్న బాహుబలి3 తెరకెక్కించే ఛాన్స్ అయితే ఉంది. బాహుబలి1 (Baahubali)  , బాహుబలి2 (Baahubali 2)  సంచలన విజయాలను సొంతం చేసుకున్న నేపథ్యంలో బాహుబలి3 సినిమాపై కూడా అంచనాలు అంతకంతకూ పెరుగుతున్నాయి.

బాహుబలి3 సినిమాను జక్కన్న తెరకెక్కించినా ప్రభాస్ (Prabhas)  ఇతర సినిమాలలో సైతం నటించేలా అనుమతి ఇస్తే బాగుంటుందని ఫ్యాన్స్ ఫీలవుతున్నారు. ప్రభాస్ ప్రైమ్ టైమ్ వేస్ట్ కావడం తమకు ఇష్టం లేదని ప్రభాస్ అభిమానులు అభిప్రాయపడుతున్నారు. బాహుబలి3 సినిమాను జక్కన్న ప్రకటిస్తే డేట్స్ విషయంలో ప్రభాస్ జాగ్రత్తలు తీసుకోవాలని రెండేళ్ల కంటే ఎక్కువ డేట్స్ కేటాయించకుండా ప్లాన్ చేసుకోవాలని అభిమానులు ఫీలవుతున్నారు.

ఒకవేళ జక్కన్న మరే షూటింగ్ లో పాల్గొనకూడదని షరతులు విధిస్తే ప్రభాస్ అంగీకరిస్తారా అనే చర్చ సైతం జరుగుతోంది. ప్రభాస్ ప్రస్తుతం ఒకే సమయంలో మూడు నుంచి నాలుగు సినిమాలలో నటిస్తున్నారు. బాహుబలి3 సినిమా సరికొత్త రికార్డులను క్రియేట్ చేసే సినిమా అని నెటిజన్ల నుంచి అభిప్రాయాలు వ్యక్తమవుతున్నాయి. బాహుబలి3 సినిమా బాక్సాఫీస్ వద్ద రూ.3000 కోట్లు సాధించే మూవీ అవుతుందని కామెంట్లు వినిపిస్తున్నాయి.

రాజమౌళి మహా భారతం కూడా తెరకెక్కిస్తానని చెప్పిన నేపథ్యంలో ఈ ప్రాజెక్ట్ ఎప్పుడు సెట్స్ పైకి వెళ్తుందో తెలియాల్సి ఉంది. జక్కన్న ప్రాజెక్ట్స్ విషయంలో ఒకింత గందరగోళం కొనసాగుతోంది. బాహుబలి3 మూవీని తెరకెక్కిస్తే ఆ సినిమా రాజమౌళి కెరీర్ లో బిగ్గెస్ట్ హిట్ గా నిలుస్తుందని చెప్పడంలో ఎలాంటి సందేహం అక్కర్లేదు.