Mahesh Babu: సర్కారు విషయంలో మహేష్ నిర్ణయమిదేనా?

October 3, 2021 / 06:37 AM ISTByFilmy Focus

Join Us

Mahesh Babu: సర్కారు విషయంలో మహేష్ నిర్ణయమిదేనా?

సూపర్ స్టార్ మహేష్ బాబు వరుస విజయాలతో సినిమాసినిమాకు సక్సెస్ రేట్ ను పెంచుకుంటున్నారు. మహేష్ బాబు నటిస్తున్న సర్కారు వారి పాట వచ్చే ఏడాది జనవరి 13వ తేదీన రిలీజ్ కానుంది. అయితే గత కొన్నిరోజుల నుంచి సర్కారు వారి పాట రిలీజ్ డేట్ మారనుందని రాజమౌళి సంక్రాంతికి ఆర్ఆర్ఆర్ సినిమాను రిలీజ్ చేస్తున్న నేపథ్యంలో మహేష్ బాబు సర్కారు వారి పాట రిలీజ్ డేట్ ను మార్చడానికి ఓకే చెప్పారని వార్తలు వస్తున్నాయి.

అయితే ఇండస్ట్రీ వర్గాల్లో మాత్రం ఈ వార్తలో ఏ మాత్రం నిజం లేదని ప్రచారం జరుగుతోంది. రాజమౌళి కోసం మహేష్ త్యాగం చేస్తే తర్వాత మరో మంచి డేట్ దొరకని పక్షంలో సర్కారు వారి పాటకు ఇబ్బందులు ఎదురయ్యే అవకాశాలు ఉంటాయి. మరోవైపు రాజమౌళి సైతం ఆర్ఆర్ఆర్ ను సంక్రాంతి రిలీజ్ చేయనున్నట్టు కచ్చితమైన ప్రకటన రాలేదు. అందువల్ల సర్కారు వారి పాట రిలీజ్ డేట్ గురించి వస్తున్న వార్తలు పుకార్లేనని తెలుస్తోంది.

సంక్రాంతి తమ సినిమాలు ఖచ్చితంగా రిలీజవుతాయని భీమ్లా నాయక్, రాధేశ్యామ్ మేకర్స్ ప్రకటించారు. అందువల్ల ఆర్ఆర్ఆర్ సంక్రాంతికి రిలీజయ్యే అవకాశాలు దాదాపుగా లేవని చెప్పాలి. మైత్రీ మూవీ మేకర్స్ సర్కారు వారి పాట రిలీజ్ డేట్ కు సంబంధించి త్వరగా స్పష్టత ఇస్తే బాగుంటుందని మహేష్ ఫ్యాన్స్ కోరుకుంటున్నారు. త్వరలో మైత్రీ మూవీ మేకర్స్ స్పందించి సర్కారు వారి పాట రిలీజ్ డేట్ గురించి క్లారిటీ ఇస్తుందేమో చూడాలి.