టాలీవుడ్ స్టార్ డైరెక్టర్లతో పాటు యంగ్ డైరెక్టర్లు సైతం పవన్ తో కనీసం ఒక్క సినిమా అయినా తెరకెక్కించాలని భావిస్తున్నారు. పవన్ కళ్యాణ్ సినిమాకు దర్శకత్వం వహించి ఆ సినిమాతో సక్సెస్ సాధిస్తే డైరెక్టర్ గా క్రేజ్, మార్కెట్ పెరిగే అవకాశాలు అయితే ఉంటాయి. పవన్ కళ్యాణ్ రీఎంట్రీలో వరుస సినిమాలకు గ్రీన్ సిగ్నల్ ఇస్తున్న సంగతి తెలిసిందే. వకీల్ సాబ్ సినిమాతో పవన్ సక్సెస్ సాధించగా భీమ్లా నాయక్ మూవీ త్వరలో రిలీజ్ కానుంది.
పవన్ కళ్యాణ్ భీమ్లా నాయక్ తో పాటు హరిహర వీరమల్లు సినిమాలో కూడా నటిస్తుండగా వచ్చే ఏడాది రిలీజయ్యే ఈ రెండు సినిమాలు పవన్ కెరీర్ లో బిగ్గెస్ట్ హిట్లుగా నిలుస్తాయని ఫ్యాన్స్ భావిస్తున్నారు. హరిహర వీరమల్లు పాన్ ఇండియా మూవీగా తెరకెక్కుతుండగా ప్రముఖ టాలీవుడ్ డైరెక్టర్లలో ఒకరైన క్రిష్ ఈ సినిమాకు దర్శకత్వం వహిస్తున్నారు. అయితే పవన్ తో సినిమా తెరకెక్కించాలని ఆశ పడుతున్న డైరెక్టర్లలో రాహుల్ సాంకృత్యాన్ కూడా ఉన్నారు.
ట్యాక్సీవాలా, శ్యామ్ సింగరాయ్ సినిమాలతో రాహుల్ సాంకృత్యాన్ బ్యాక్ టు బ్యాక్ బ్లాక్ బస్టర్ హిట్లను అందుకున్నారు. అయితే ఈ డైరెక్టర్ శ్యామ్ సింగరాయ్ సీక్వెల్ ను పవన్ తో తెరకెక్కించాలని భావిస్తున్నారు. సాధారణంగా ఒక హీరో నటించిన సినిమా సీక్వెల్ లో నటించడానికి మరో హీరో ఆసక్తి చూపరు. మరి పవన్ ఈ ప్రాజెక్ట్ విషయంలో ఎలా రియాక్ట్ అవుతారో చూడాల్సి ఉంది. శ్యామ్ సింగరాయ్ ప్రమోషన్స్ లో భాగంగా రాహుల్ సాంకృత్యాన్ పవన్ తో సినిమాను తెరకెక్కించాలని మనసులో ఉన్న కోరికను బయటపెట్టారు.
మరోవైపు పవన్ కళ్యాణ్ 2023 సంవత్సరం వరకు వరుస సినిమాలతో బిజీగా ఉన్నారు. ఈ ప్రాజెక్టులు పూర్తి చేసిన తర్వాత పవన్ కళ్యాణ్ కొత్త సినిమాలకు గ్రీన్ సిగ్నల్ ఇచ్చే ఛాన్స్ ఉంది. ఒకవైపు సినిమాలతో బిజీగా ఉంటూనే పవన్ రాజకీయాల్లో కూడా యాక్టివ్ గా ఉంటున్నారు.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
