అఖిల్ ని ఆటపట్టించిన తేజు!

ప్రెజంట్ జనరేషన్ హీరోస్ లో ఈగో లేకుండా అన్ని కుటుంబాల కథానాయకులతోనే కాక అందరు కథానాయికలతోనూ విశేషమైన ర్యాపో మెయింటైన్ చేస్తూ.. సినిమా రిలజ్ట్ తో సంబంధం లేకుండా అన్ని వర్గాల ప్రేక్షకులను అలరిస్తున్న ఏకైక కథానాయకుడు సాయిధరమ్ తేజ్. మెగా ఫ్యామిలీలోనే మోస్ట్ బబ్లీయస్ట్ & ఫన్నీ హీరోగా పేరొందిన సాయిధరమ్ తేజ్ ఆన్ స్క్రీన్ మాత్రమే కాదు ఆఫ్ స్క్రీన్ కూడా తన అల్లరితో అందర్నీ ఆటపట్టిస్తుంటాడు. అలాంటి తుంటరోడికి నాటీ యాంకర్ ప్రదీప్ తోడైతే ఇంకేముంది చెప్పండి.

“జవాన్” సినిమా ప్రమోషన్స్ లో భాగంగా సాయిధరమ్ తేజ్ “కొంచెం టచ్ లో ఉంటే చెప్తాను” షోకి వచ్చాడు. అక్కడ ప్రదీప్ తో కలిసి మనోడు చేసిన మామూలుది కాదు. సమంత ఫోటో చూపించగానే “మీ అమ్మాయిలకి ఎప్పుడూ కంగారే, అసలు అంత తొందరగా పెళ్లి ఎందుకు చేసుకొన్నావ్?” అంటూ కోపం నటిస్తూ సాయిధరమ్ చెప్పిన డైలాగ్స్ కి అక్కడ అందరూ పగలబడి నవ్వారు. ఇక కాజల్ ఫోటో చూసి సిగ్గుపడిన సాయిని చూసి ముచ్చటపడనివారుండరు. అలాగే.. అఖిల్ ఫోటో చూడగానే అమ్మాయిలా “వావ్ సో క్యూట్ రే” అంటూ అఖిల్ ని ఆడేసుకొన్నాడు తేజు. ఈమధ్యకాలంలో ఒక హీరో మరియు హీరోయిన్స్ పై ఈ స్థాయిలో ఫన్నీగా కామెంట్స్ చేసిన హీరో ఎవరూ లేరు. దీన్నిబట్టి వారందరితోనూ సాయిధరమ్ ఏరేంజ్ లో రిలేషన్ మెయింటైన్ చేస్తున్నాడో ప్రత్యేకంగా చెప్పాలా.