Ram Charan: చరణ్ పై ప్రముఖ రచయిత ఆసక్తికర వ్యాఖ్యలు వైరల్!

March 28, 2022 / 12:36 PM ISTByFilmy Focus

Join Us

Ram Charan: చరణ్ పై ప్రముఖ రచయిత ఆసక్తికర వ్యాఖ్యలు వైరల్!

టాలీవుడ్ ఇండస్ట్రీలో సక్సెస్ రేట్ ఎక్కువగా ఉన్న అతికొద్ది మంది స్టార్ హీరోలలో రామ్ చరణ్ కూడా ఒకరనే సంగతి తెలిసిందే. చిరుత సినిమాతో హీరోగా టాలీవుడ్ ఇండస్ట్రీకి పరిచయమైన చరణ్ తొలి సినిమాతోనే సక్సెస్ ను సొంతం చేసుకున్నారు. మగధీర సినిమాతో ఇండస్ట్రీ హిట్ సాధించి చరణ్ తండ్రికి తగ్గ తనయుడు అనిపించుకున్నారు. ఆరెంజ్ సినిమాతో చరణ్ కు చేదు ఫలితం ఎదురైనా ఈ సినిమా ఒక వర్గం ప్రేక్షకులకు ఎంతగానో ఆకట్టుకుంది.

Click Here To Watch NOW

రచ్చ, నాయక్ సినిమాలతో మాస్ హీరోగా గుర్తింపు తెచ్చుకున్న చరణ్ కు తుఫాన్ తో మరోసారి చేదు ఫలితం ఎదురైంది. అయితే ఆ తర్వాత ఎవడు, గోవిందుడు అందరివాడేలే సినిమాలు చరణ్ కు ప్రేక్షకుల్లో క్రేజ్ ను మరింత పెంచాయి. బ్రూస్ లీ సినిమాలో ఫస్టాఫ్ బాగున్నా కథనంలోని లోపాల వల్ల సినిమా ఫ్లాపైంది. ధృవ, రంగస్థలం సినిమాలతో విభిన్నమైన కథాంశాలలో కూడా అద్భుతంగా నటిస్తానని చరణ్ ప్రూవ్ చేసుకున్నారు.

రంగస్థలం సినిమాలో చిట్టిబాబు పాత్రలో తను తప్ప మరెవరూ ఆ పాత్రకు న్యాయం చేయలేరన్నంత అద్భుతంగా చరణ్ నటించారు. వినయ విధేయ రామ ఫ్లాప్ అయినా ఆర్ఆర్ఆర్ తో మరో ఇండస్ట్రీ హిట్ ను చరణ్ ఖాతాలో వేసుకున్నారు. ఈ నెల 27వ తేదీన చరణ్ పుట్టినరోజు కాగా రచయిత సాయిమాధవ్ బుర్రా విజేతకు విజేతే పుడతాడని రామ్ చరణ్ ప్రూవ్ చేశాడని చెప్పుకొచ్చారు. రామ్ చరణ్ ప్రపంచాన్ని గెలుస్తున్న రాముడు అని విశ్వవెండితెరపై విజయసంతకం చేస్తున్న సీతారాముడు అని ఆయన కామెంట్లు చేశారు.

చరణ్ కు పుట్టినరోజు శుభాకాంక్షలు తెలుపుతూ సాయిమాధవ్ బుర్రా చేసిన పోస్ట్ ప్రేక్షకులను ఆకట్టుకుంటోంది. ఆర్ఆర్ఆర్ మూవీలో చరణ్ నటనను పలువురు సినీ ప్రముఖులు తెగ ప్రశంసిస్తున్నారు. చరణ్, తారక్ నటనకు బాలీవుడ్ ప్రేక్షకులు సైతం ఫిదా అయ్యారు. చరణ్, తారక్ తర్వాత సినిమాలతో విజయాలు సొంతం చేసుకుంటారేమో చూడాలి.

ప్రపంచాన్ని గెలుస్తున్న రాముడు ..
విశ్వవెండితెర మీద విజయసంతకం చేస్తున్న సీతారాముడు …
విజేతకి విజేతే పుడతాడని నిరూపించిన
రాంచరణ్ సార్ కి జన్మదిన శుభాకాంక్ధలు #HBDRamCharan 💐💐💐💐💐 pic.twitter.com/fOhLKD7gcq

— Saimadhav Burra (@saimadhav_burra) March 27, 2022