టాలీవుడ్ స్టార్ హీరోయిన్లలో ఒకరైన సాయిపల్లవి లవ్ స్టోరీ, శ్యామ్ సింగరాయ్ సినిమాలతో విజయాలను ఖాతాలో వేసుకున్నారనే సంగతి తెలిసిందే. ఈ రెండు సినిమాలు బాక్సాఫీస్ వద్ద బ్లాక్ బస్టర్ హిట్లుగా నిలవడంతో పాటు సాయిపల్లవి రేంజ్, మార్కెట్ ను పెంచాయి. అయితే ఈ సినిమాలతో సక్సెస్ సాధించిన సాయిపల్లవికి విరాటపర్వం సినిమాతో షాక్ తగిలింది. విరాటపర్వం మూవీ ఫుల్ రన్ లో 5 కోట్ల రూపాయల కలెక్షన్లను కూడా సాధించలేదు.
ఈ సినిమా జులై 1వ తేదీ నుంచి నెట్ ఫ్లిక్స్ ఓటీటీలో స్ట్రీమింగ్ కానుంది. గతంతో పోల్చి చూస్తే సాయిపల్లవి సినిమాల విషయంలో వేగం తగ్గించారని తెలుస్తోంది. అయితే తాజాగా సాయిపల్లవి ఇండస్ట్రీలో బెస్ట్ ఫ్రెండ్స్ గురించి మాట్లాడుతూ ఆసక్తికర విషయాలను వెల్లడించారు. తెలుగమ్మాయి కాకపోయినా తెలుగులో మాట్లాడుతూ తెలుగు ప్రేక్షకుల హృదయాలను గెలుచుకున్న సాయిపల్లవి టాలీవుడ్ లో రానా, నాగచైతన్య తన బెస్ట్ ఫ్రెండ్స్ అని తెలిపారు. తన కుటుంబం ఏ విధంగా కేర్ తీసుకుంటుందో అదే విధంగా ఈ ఇద్దరు హీరోలు కేర్ తీసుకుంటారని సాయిపల్లవి చెప్పుకొచ్చారు.
స్టార్ హీరోల స్థాయిలో ఫ్యాన్ ఫాలోయింగ్ ఉన్న సాయిపల్లవి కమర్షియల్ సినిమాలలో ఎక్కువగా నటించాలని అభిమానులు కోరుకుంటున్నారు. నటనకు ప్రాధాన్యత ఉన్న కథలకు మాత్రమే సాయిపల్లవి గ్రీన్ సిగ్నల్ ఇస్తున్నారు. ప్రస్తుతం సాయిపల్లవి గార్గి అనే సినిమాలో నటిస్తున్నారు. తెలుగుతో పాటు ఇతర దక్షిణాది భాషల్లో ఈ సినిమా రిలీజ్ కానుంది. గౌతమ్ రామచంద్రన్ డైరెక్షన్ లో ఈ సినిమా తెరకెక్కుతోంది.
మహిళా ప్రధాన చిత్రంగా ఈ సినిమా తెరకెక్కుతుండగా ఈ సినిమాతో సాయిపల్లవి ఖాతాలో సక్సెస్ చేరుతుందో లేదో చూడాల్సి ఉంది. సాయిపల్లవి అభిమానులు ఈ సినిమాపైనే ఆశలు పెట్టుకున్నారు. సాయిపల్లవి తర్వాత ప్రాజెక్ట్ లతో సక్సెస్ లను సాధించాలని ఫ్యాన్స్ కోరుకుంటున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home