తెలంగాణ అమ్మాయి దొరికింది!

మెగా ప్రిన్స్ వరుణ్ తేజ్ విభిన్నమైన కథలను ఎంచుకుంటూ దూసుకుపోతున్నాడు. ముకుందలో క్లాస్ గా ఎంట్రీ ఇచ్చి కంచె తో ఆనాటి ప్రేమను చూపించాడు. ఈ రెండింటికి భిన్నంగా లోఫర్ సినిమా చేసి మాస్ ప్రేక్షకులకు దగ్గరయ్యాడు. ఇప్పుడు శ్రీనువైట్ల డైరెక్షన్లో మిస్టర్ మూవీలో నటిస్తున్నాడు. ఈ సినిమా షూటింగ్ దశలో ఉండగానే కూల్ డైరక్టర్ శేఖర్ కమ్ముల కథకు ఒకే చెప్పాడు.

అమెరికా అబ్బాయి- తెలంగాణ అమ్మాయికీ మధ్య జరిగే ప్రేమ కథ కాబట్టి హీరోయిన్ కోసం శేఖర్ కమ్ముల వెతుకులాట ప్రారంభించారు. ఈ సినిమా నిర్మాత దిల్‌రాజు మంచి నటి కోసం కాస్టింగ్ కాల్ కూడా నిర్వహించాడు. చివరికి ఈ అవకాశం సాయి పల్లవికి దక్కింది. మళయాల నటి సాయి పల్లవి “ప్రేమమ్(మలయాళం)” లో నటించింది. సహజమైన నటనతో ఆకట్టుకుంది.

చిత్ర విజయానికి దోహద పడింది. హీరోయిన్ కోసం వేటలో ఉన్నశేఖర్ కమ్ములకు సాయి పల్లవి కనిపించింది. ఆమె నటన నచ్చడంతో సెలక్ట్ చేశారు. వరుణ్, సాయి పల్లవి కెమిస్ట్రీ వర్కౌట్ అవుతుందని భావిస్తున్నారు. శేఖర్ కమ్ముల గత చిత్రాలు లైఫ్ ఈజ్ బ్యూటిఫుల్, అనామికలకు ఆశించినంత విజయం సాధించక పోవడంతో ఆశలన్నీవరుణ్ తేజ్ సినిమా పైనే పెట్టుకున్నారు.