నటీనటుల నుంచి సన్నివేశానికి తగ్గ నటన రాబట్టుకోవడంలో తేజ తర్వాత వరుసలో నిలబడే దర్శకుడు సెల్వ రాఘవన్. ఆర్టిస్ట్ నుండి సరైన ఎక్స్ ప్రెషన్ రాబట్టుకోవడం కోసం వాళ్ళని కొట్టడానికి కూడా ఈ ఇద్దరు దర్శకులు అస్సలు వెనుకాడరు. అయితే.. ఇదివరకూ వాళ్ళు కొట్టినా హీరోహీరోయిన్లు పెద్దగా ఎదురుతిరిగేవారు కాదు, పైగా సినిమా రిలీజైన తర్వాత ఎప్పటికో కానీ ఆ వార్తలు బయటకు వచ్చేవి కావు. కానీ.. సోషల్ మీడియా బాగా వ్యాపించి ఉన్న ఈ తరుణంలో అలాంటివేమైనా చేస్తే అపవాదులు వచ్చే అవకాశాలు ఎక్కువగా ఉన్నాయి కాబట్టి చెయ్యత్తడం మానేశారు.
అయితే.. సెల్వరాఘవన్ మాత్రం ఇప్పటికీ నటీనటుల నుంచి సరైన ఎక్స్ ప్రెషన్ రాబట్టుకోవడం కోసం వాళ్ళని ఇబ్బందికి గురిచేస్తూనే ఉన్నట్లున్నాడు. పాపం సెల్వ రాఘవన్ తాజా చిత్రం “ఎన్ జి కె” షూటింగ్ టైమ్ లో సాయిపల్లవి సన్నివేశాలకు దర్శకుడు రీటేకులకు రీటేకులు చెప్పడంతో తాను సరిగా చేయలేకపోతున్నానేమో భయంతో పాపం తెగ ఏడ్చేసిందట సాయిపల్లవి. ఈ విషయాన్ని సూర్య ఇటీవల మీడియా ప్రమోషన్స్ లో చెప్పుకొచ్చాడు. మరి సాయిపల్లవిని అంతగా ఏడిపించి మరీ సెల్వ రాఘవన్ రాబట్టుకొన్న నటన ప్రేక్షకులని ఏమేరకు అలరిస్తుంది, సినిమాకి ఏమేరకు ప్లస్ అయ్యింది అనేది సినిమా విడుదలయ్యాకే తెలుస్తుంది.
Home