ప్రస్తుతం మన తెలుగు చిత్రసీమ పక్క రాష్ట్రాల నుండి ఇంపోర్ట్ చేసుకొన్న హీరోయిన్స్ లో విశేషమైన క్రేజ్ తోపాటు ఫ్యాన్ బేస్ సొంతం చేసుకొన్న ఏకైక కథానాయిక సాయిపల్లవి. ఆల్రెడీ దిల్ రాజు బ్యానర్ లో రెండు సినిమాలు చేసిన సాయిపల్లవి మరో సినిమా చేయడానికి సన్నద్ధమవుతోంది. హరీష్ శంకర్ దర్శకత్వంలో నితిన్-శర్వానంద్ హీరోలుగా దిల్ రాజు నిర్మించనున్న యూత్ ఫుల్ మల్టీస్టారర్ లో ఎవరి సరసన అనే విషయంలో క్లారిటీ లేదు కానీ సినిమాలో ఒన్నాఫ్ ది హీరోయిన్ గా సాయిపల్లవిని ఫైనల్ చేశారని తెలుస్తోంది.
సాయిపల్లవి కథానాయికగా దిల్ రాజు బ్యానర్ లో నటించిన “మిడిల్ క్లాస్ అబ్బాయి” వచ్చేవారం విడుదలవుతోంది. నాని కథానాయకుడిగా శ్రీరామ్ వేణు దర్శకత్వంలో తెరకెక్కిన ఈ చిత్రం ట్రైలర్ నిన్న విడుదలై ప్రేక్షకులను బాగానే ఆకట్టుకొంటోంది. ఈ చిత్రంలో సాయిపల్లవి క్యారెక్టరైజేషన్ హైలైట్ గా నిలవనుందట. అలాగే భూమిక ప్రత్యేక పాత్ర సినిమాకి కీలకమట. ఇది కాకుండా నాగశౌర్య సరసన నటించిన “కణం” కూడా వచ్చే ఏడాది రిలీజావుతోంది. చూస్తుంటే.. సాయిపల్లవి సూపర్ ఫాస్ట్ గా తెలుగులో స్టార్ హీరోయిన్ గా పేరు తెచ్చుకొనేలా ఉంది.
