ఈ ఏడాది అప్పుడే ఇద్దరు స్టార్ హీరోల సినిమాలను రిజెక్ట్ చేసిన సాయి పల్లవి

సినిమాలు రిజెక్ట్ చేయడంలో సాయి పల్లవి తర్వాతే ఏ హీరోయిన్ అయినా..! సినిమాలు లేకపోతే ఖాళీగా ఉండి వైద్య వృత్తి అయినా చేసుకుంటాను కానీ.. ఇష్టం లేకుండా ఏ సినిమాలోనూ నటించను అని ఈమె తెగేసి చెప్పేస్తుంది. అది ఎంత పెద్ద స్టార్ హీరో సినిమా అయినా సరే ‘ఐ డోంట్ కేర్’ అంటుంది ఈ బ్యూటీ. ఆల్రెడీ ఈ భామ చిరంజీవి, పవన్ కళ్యాణ్ వంటి స్టార్ హీరోల సినిమాలను రిజెక్ట్ చేసింది.

‘భీమ్లా నాయక్’ లో పవన్ కళ్యాణ్ సరసన నటించే అవకాశం మొదట ఈమెకే వచ్చింది. కానీ ఈమె నో చెప్పడంతో నిత్యా మేనన్ ను తీసుకున్నారు. అలాగే ‘భోళా శంకర్’ తో చెల్లెలి పాత్రకు ఈమెను సంప్రదిస్తే… ఆ ఆఫర్ కు కూడా ఈమె నో చెప్పడంతో కీర్తి సురేష్ ను ఎంపిక చేసుకున్నారు. ఆఖరికి తనకు ఎంతగానో ఇష్టమైన మహేష్ బాబు ‘సరిలేరు నీకెవ్వరు’ సినిమాని కూడా ఈమె రిజెక్ట్ చేసింది.

ఇక ఈ ఏడాది వచ్చిన అజిత్ ‘తెగింపు’ చిత్రానికి కూడా ఈమె నో చెప్పిందట. సంక్రాంతి కానుకగా రిలీజ్ అయిన ఈ మూవీ బాక్సాఫీస్ వద్ద రూ.200 కోట్లకు పైగా గ్రాస్ వసూళ్లను సాధించింది. హెచ్ వినోద్ డైరెక్ట్ చేసిన ఈ మూవీలో మంజు వారియర్ చేసిన క్యారెక్టర్ కోసం ముందుగా సాయి పల్లవిని సంప్రదించారట. కానీ ఆ పాత్రకు అంత వెయిటేజీ లేదని ఈమె తిరస్కరించడం జరిగింది.

ఇక ప్రస్తుతం విజయ్- లోకేష్ కనగరాజ్ కాంబినేషన్లో తెరకెక్కుతున్న ‘లియో’ మూవీలో కూడా హీరోయిన్ పాత్ర కోసం సాయి పల్లవిని సంప్రదించారు. కానీ నిడివి తక్కువ, క్యారెక్టర్ కూడా అంతంత మాత్రమే అని చెప్పి ఈమె రిజెక్ట్ చేసినట్లు తెలుస్తుంది.

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్