టాలీవుడ్ లో స్టార్ హీరోయిన్లలో సాయిపల్లవి ఒకరు. అయితే కమర్షియల్ సినిమాలు కాకుండా విభిన్న కథలను ఎన్నుకుంటూ కెరీర్ లో దూసుకుపోతుంది. తెలుగులో ఈ మధ్యకాలంలో ఆమె నటించిన ‘లవ్ స్టోరీ’, ‘శ్యామ్ సింగరాయ్’ సినిమాలు భారీ విజయాన్ని అందుకున్నాయి. ఈ వారంలోనే ‘విరాటపర్వం’ సినిమాతో ప్రేక్షకుల ముందుకు రానుంది. ఈ సినిమాలో వెన్నెల అనే పాత్రలో కనిపించనుంది సాయిపల్లవి. ఈ సినిమాకి సాయిపల్లవి పాత్ర హైలైట్ గా నిలుస్తుందని చెబుతున్నారు.
అయితే నెలల గ్యాప్ లో తెలుగు సినిమాలతో ప్రేక్షకులను పలకరించే సాయిపల్లవి ఇప్పుడు కాస్త బ్రేక్ తీసుకోబోతుందని సమాచారం. ఆమె తదుపరి చిత్రాల లిస్ట్ లో ఒక్క తెలుగు సినిమా కూడా లేదు. ఈ విషయం ఆమెనే నేరుగా మీడియాతో చెప్పింది. ప్రస్తుతం తెలుగులో కథలు వింటున్నానని.. ఇంకా ఏదీ ఫైనల్ చేయలేదని తెలిపింది. తమిళంలో ‘గార్గి’ అనే సినిమాతో పాటు శివ కార్తికేయన్ తో మరో సినిమా చేస్తున్నట్లు చెప్పింది.
అంటే ‘విరాటపర్వం’ సినిమా తరువాత సాయిపల్లవి లిస్ట్ లో ఒక్క తెలుగు సినిమా కూడా లేదన్నమాట. మరి త్వరలోనే ఏదైనా సినిమా ఓకే చేస్తుందా..? లేక తెలుగులో బ్రేక్ తీసుకోబోతుందా..? అనేది తెలియాల్సివుంది. కానీ ఆమె ఫ్యాన్స్ మాత్రం సాయిపల్లవి చకచకా తెలుగులో సినిమాలు చేయాలని కోరుకుంటున్నారు.
మొన్నామధ్య మహేష్ బాబు, ఎన్టీఆర్ లాంటి స్టార్ హీరోలతో కలిసి సాయిపల్లవి నటించబోతుందని వార్తలు వచ్చాయి. కానీ అందులో నిజం లేదని తెలుస్తోంది. సాయిపల్లవి కెరీర్ లో ఎన్ని హిట్స్ ఉన్నప్పటికీ.. ఇప్పటివరకు ఆమెకి మీడియం రేంజ్ హీరోల సినిమాల్లోనే అవకాశాలు వస్తున్నాయి. మరి స్టార్ హీరోల సినిమాల్లో అవకాశాలు ఎప్పుడు దక్కించుకుంటుందో చూడాలి!
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
Home
