హీరోలకంటే హీరోయిన్లు ఎక్కువ సినిమాలు చేస్తుంటారు. సొ, వాళ్ళ సినిమాలు ఏడాదికి అయిదారు, ఒక్కోసారి ఒకే నెలలో రెండు లేదా మూడు సినిమాలు రిలీజవుతుంటాయి. కానీ.. మలయాళ కుట్టి సాయిపల్లవి నటించిన రెండు సినిమాలు ఒకేరోజు విడుదలకానున్నాయి. శర్వానంద్ కథానాయకుడిగా హను రాఘవపూడి దర్శకత్వంలో తెరకెక్కిన “పడి పడి లేచే మనసు” డిసెంబర్ 21న విడుదలకు సిద్ధమవుతుండగా.. అదే రోజున సాయిపల్లవి తమిళంలో నటించిన “మారి 2” కూడా రిలీజ్ కి రెడీ అవుతోంది. ధనుష్ కథానాయకుడిగా తెరకెక్కిన ఈ చిత్రానికి బాలాజీ దర్శకత్వం వహించాడు.
“పడి పడి లేచే మనసు” చిత్రంలో పద్ధతిగల పక్కింటి అమ్మాయిలా కనిపించనున్న సాయిపల్లవి.. “మారి 2″లో మాత్రం ఉరమాస్ ఆటో డ్రైవర్ గా అలరించనుంది. ఈ రెండు విభిన్నమైన పాత్రలతో ఒకేరోజు ప్రేక్షకుల్ని పలకరించనున్న పల్లవి ఆ రెండు సినిమాలతో విజయాన్ని అందుకుంటుందో లేదో చూడాలి.
