థియేటర్లు తెరుచుకున్న తరువాత యాభై శాతం ఆక్యుపెన్సీతో రన్ అవుతున్నప్పటికీ నిర్మాతలు తమ సినిమాలను రిలీజ్ చేయడానికి సిద్ధమవుతున్నారు. వరుసపెట్టి కొత్త సినిమాల రిలీజ్ డేట్లను ప్రకటించేస్తున్నారు. ఈ మధ్యకాలంలో చిన్న, పెద్ద అన్ని కలుపుకొని ఓ ముప్పై వరకు సినిమాల రిలీజ్ డేట్లను ఖరారు చేసుకున్నారు. ఇందులో పాన్ ఇండియా సినిమాలు కూడా ఉన్నాయి. తెలుగులోనే కాకుండా తమిళ నిర్మాతలు కూడా మంచి సీజన్ ను చూసుకొని తమ సినిమాలను లాక్ చేస్తున్నారు.
ఈ ఏడాది వేసవికి, దసరా, దీపావళికి సౌత్ నుండి భారీ సినిమాలు రిలీజ్ కాబోతున్నాయి. ఇప్పుడు 2022 సంక్రాంతి మీద కూడా కన్నేసినట్లు తెలుస్తోంది. ఇటీవల మొదలైన ప్రభాస్-ప్రశాంత్ నీల్ సినిమా ‘సలార్’ను 2022 సంక్రాంతి కానుకగా విడుదల చేయాలనుకుంటున్నారట. ప్రభాస్ సినిమా అంటే పాన్ ఇండియా లెవెల్ లో విడుదలవుతుంది. నిజానికి సంక్రాంతి సీజన్ అంటే మూడ్నాలుగు సినిమాలు రిలీజ్ అవుతుంటాయి. కానీ ‘సలార్’ గనుక రేసులోకి దిగితే మిగిలిన సినిమాలన్నీ వెనక్కి తగ్గడం గ్యారెంటీ.
ప్రభాస్ గత చిత్రాలతో పోలిస్తే ఈ సినిమా షూటింగ్ ను వేగంగా పూర్తి చేయనున్నారట. ఈ ఏడాదిలో సినిమా ఫస్ట్ కాపీ సిద్ధం చేసి 2022 సంక్రాంతికి సినిమా రిలీజ్ చేయాలని ప్లాన్ చేస్తున్నారు. రిలీజ్ డేట్ విషయంలో ముందు నుండే క్లారిటీ ఇవ్వాలని భావిస్తోన్న చిత్రబృందం త్వరలోనే ఈ మేరకు ప్రకటన చేయనుందని చెబుతున్నారు.
Most Recommended Video
