ఎన్టీఆర్‌ ‘జనతా గ్యారేజ్‌’ వచ్చినప్పుడు ఈ సినిమా కాన్సెప్ట్‌ యూనివర్శల్‌ కదా అని అందరూ అనుకున్నారు. ప్రకృతి, మంచి చేయడం లాంటివి ఎక్కడైనా ఉంటాయి కదా. అయితే అదే సమయంలో మైత్రీ మూవీ మేకర్స్‌ వాళ్లు కూడా బాలీవుడ్‌లో అడుగులు వేస్తారని వార్తలొచ్చాయి. ఇప్పుడు ఈ రెండు అంశాలు కలిసి బాలీవుడ్‌ వెళ్తున్నాయని టాక్‌. అవును ‘జనతా గ్యారేజ్‌’ సినిమాను బాలీవుడ్‌కి తీసుకెళ్తోందట మైత్రీ మూవీ మేకర్స్‌. బాలీవుడ్‌ తెలుగు సినిమాల్ని రీమేక్‌ చేయడానికి బాగా ఇష్టపడే వాళ్లలో సల్మాన్‌ ఖాన్‌ ఒకరు.
మన కథలంటే చెవి కొసుకుంటాడాయన. ఈ క్రమంలోనే మైత్రీవాళ్లు ఆయన్ను అప్రోచ్‌ అవ్వగా ఓకే చెప్పాడని టాక్‌. దీని కోసం ఇప్పటికే ₹10 కోట్లు అడ్వాన్స్‌ కూడా ఇచ్చేశారని టాక్‌. అన్నీ కుదిరితే 2023 ప్రథమార్ధంలో సినిమాను పట్టాలెక్కిస్తారట. అయితే సినిమా దర్శకుడు ఎవరు అనే విషయంలో క్లారిటీ లేదు. గత అనుభవాలు చూస్తే ప్రభుదేవా చేయొచ్చు అంటున్నారు. ‘జనతా గ్యారేజ్‌’ సినిమా అంటే అందులో మోహన్‌ లాల్‌ పాత్ర చాలా కీలకంగా ఉంటుంది.
హీరోతో సమానంగా ఎలివేషన్లు కూడా ఉంటాయి. మరి ఆ పాత్రను బాలీవుడ్‌లో ఎవరు చేస్తారు అంటే… సంజయ్‌ దత్‌ పేరు ప్రముఖంగా వినిపిస్తోంది. గతంలో ‘బజరంగీ భాయిజాన్‌’ సినిమాలో సంజూ, సల్మాన్‌ కలసి నటించారు. ఆ సీన్స్‌ బాగా పండాయి కూడా.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
