ఓ భాషలో హిట్ అయిన సినిమాని మరో భాషలోకి రీమేక్ చేయడం మనం 4,5, దశాబ్దాలుగా చూస్తూనే ఉన్నాం.ఓ భాషలో హిట్ అయిన సినిమాని రీమేక్ చేయడం ఓ విధంగా సేఫ్ గేమ్ అని చాలా మంది అనుకుంటారు. నిజమే.. అది సేఫ్ గేమే..! కానీ అది సోషల్ మీడియా, ఓటీటీలు లేని రోజుల్లో..! కానీ ఇప్పుడు ఏ భాషలో సినిమాని అయినా సబ్ టైటిల్స్ తో చూసే సదుపాయం అందరికీ ఉంది.కాబట్టి టైం ఉంటే చాలు ఒరిజినల్ మూవీస్ నే నేరుగా చూసేస్తున్నారు.
ఈ క్రమంలో రీమేక్ చేస్తే చూస్తారు అనే నమ్మకం అయితే లేదు. మక్కీకి మక్కీ దించేసి రీమేక్ చేస్తే విమర్శలు గుప్పిస్తున్నారు కూడా.! అంతేకాదు ఒరిజినల్ తో పోల్చి.. ‘చెత్తలా తీశారు’ అనే కామెంట్లు కూడా చేస్తున్నారు. అన్నీ ఎలా ఉన్నా ఓ హిట్టు సినిమాని రీమేక్ చేస్తే మొదటి నుండి మంచి బజ్ ఏర్పడుతుంది. కానీ ఏరి కోరి ప్లాప్ సినిమాని రీమేక్ చేస్తాను అంటే ఎలా ఉంటుంది? ఇప్పుడు అదే జరగబోతుంది.
పవన్ కళ్యాణ్ నటించిన ఓ ప్లాప్ సినిమాని బాలీవుడ్ స్టార్ హీరో సల్మాన్ ఖాన్ రీమేక్ చేయబోతున్నాడు. ఆ సినిమా మరేదో కాదు ‘కాటమరాయుడు’. 2017 లో రిలీజ్ అయిన ఈ చిత్రం బాక్సాఫీస్ వద్ద పరాజయం పాలైంది. నిజానికి ఇది తమిళంలో హిట్ అయిన ‘వీరం’ కి రీమేక్. ‘వీరుడొక్కడే’ అంటూ తమిళంలో రిలీజ్ అయిన వెంటనే తెలుగులో కూడా డబ్ చేసి రిలీజ్ చేశారు. థియేటర్లలో ఈ మూవీ బాగానే ఆడింది. కానీ పవన్ రీమేక్ ముచ్చటపడి రీమేక్ చేశాడు.
‘కాటమరాయుడు’ రిలీజ్ అయిన ముందు రోజు జీ సినిమాలు లో ఈ మూవీ టెలికాస్ట్ అయ్యింది. అంతకంటే ముందు ఇంకో 3 సార్లు టెలికాస్ట్ చేశారు కూడా..! ఇక ‘జీ’ వాళ్ళే ఈ చిత్రం హిందీ డబ్బింగ్ రైట్స్ ను కూడా దక్కించుకుని తెగ టెలికాస్ట్ చేస్తున్నారు. అయినా సరే సల్మాన్ కూడా ఈ మూవీని రీమేక్ చేయబోతున్నాడు.ఆ మూవీనే ‘కిసీ క భాయ్, కిసీ కి జాన్’. ఈ మూవీలో పూజా హెగ్డే హీరోయిన్ గా నటిస్తుండగా.. ఆమె సోదరుడి పాత్రలో వెంకటేష్ నటిస్తున్నాడు. మరి ఈ సినిమా ఎలాంటి ఫలితాన్ని అందుకుంటుందో చూడాలి.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home