సినిమా ఇండస్ట్రీలో అందులోనూ తెలుగు సినిమా ఇండస్ట్రీలో 15 ఏళ్ల పాటు ఓ హీరోయిన్ స్టార్ హోదాను నిలుపుకోవడం అంత ఈజీ కాదు. మహా అయితే పదేళ్లు ఉంటున్నారు. అది కూడా కష్టమే. ఇలాంటి పరిస్థితుల్లో 15 ఏళ్లు పాటు ఓ హీరోయిన్ స్టార్ స్టేటస్ను మెయింటైన్ చేస్తోంది. ఆమెనే సమంత (Samantha) . లాంగ్ కెరీర్ గురించి ఇటీవల ఆమె మీడియాతో మాట్లాడింది. ఈ క్రమంలో కొన్ని ఆసక్తికర వ్యాఖ్యలు చేసింది.
‘శాకుంతలం’ (Shaakuntalam) , ‘ఖుషి’ (Kushi) సినిమాలతో గతేడాది ప్రేక్షకులను అలరించే ప్రయత్నం చేసి ఇబ్బందికర ఫలితాలు అందుకుంది సమంత. ఓవైపు వ్యక్తిగత సవాళ్లతో పోరాడుతూ, మరోవైపు ఇలాంటి ఫలితాలు అందుకుంటూ పర్సనల్, ప్రొఫెషనల్ కెరీర్ ఇబ్బందికర పరిస్థితుల్లోకి తెచ్చుకుంది అనే విమర్శలు ఉన్నాయి. మరోవైపు అంతా సమసిపోతున్న సమయంలో పర్సనల్ లైఫ్ గురించి ఎక్కడో ఓ దగ్గర కామెంట్లు చేసి ఇబ్బందికర పరిస్థితులు కోరి తెచ్చుకుంది. అయితే ఇప్పుడు ఆమె కమ్బ్యాక్ మూడ్లో ఉంది.
ఈ ఏడాది వరుస ప్రాజెక్టులతో ప్రేక్షకుల్ని అలరించడానికి సిద్ధంగా ఉంది. అలాగే నిర్మాతగానూ తొలి అడుగు వేయనుంది. ఈ క్రమంలో సినిమా ముచ్చట్లు చెప్పమంటే ‘వచ్చే నెల నుండి నా కొత్త సినిమా చిత్రీకరణ మొదలవుతుంది. ఆ సినిమా కోసం ఆసక్తిగా ఎదురుచూస్తున్నాను. ఆ పాత్ర కోసం ప్రత్యేకంగా సిద్థమవుతున్నా’’ అని చెప్పింది సమంత. నా కొత్త సినిమాల కోసం మార్షల్ ఆర్ట్స్, ఆర్చరీ, గుర్రపు స్వారీ, కత్తిసాము లాంటి విద్యలు నేర్చుకుంటున్నా అని చెప్పింది.
కొత్త విషయాల్ని తెలుసుకొని, ప్రతి విషయం నేర్చుకోవాలనే కోరుకుంటా. నా దృష్టిలో నేను ఎప్పటికీ విద్యార్థినే అని తన స్టైల్ గురించి చెప్పింది సమంత. ఇక సినిమాల్లోకి వచ్చి 15 ఏళ్లు గడుస్తున్నా ఇంకా తనకు కొత్తగానే ఉందని చెబుతోంది సామ్. సినిమా రంగంలో చేయాల్సింది, తెలుసుకోవల్సింది, నేర్చుకోవాల్సింది ఇంకా చాలా ఉందనేది తన ఆఓలచనట.
సినిమాల మ్యాజిక్ ఇదేనని చెప్పిన సామ్.. ఎన్ని సినిమాలు చేసినా, కొత్త పాత్రలు వచ్చినప్పుడు అవి మనకు ఇంకా కొత్త విషయాలు నేర్పిస్తూనే ఉంటాయి అని అంటోంది. ప్రతి స్క్రిప్ట్ విభిన్న, వింత ప్రపంచంలోకి అడుగుపెట్టేలా చేస్తుంది అంటోంది సమంత. ‘మా ఇంటి బంగారం’, ‘సిటాడెల్: హనీ:బన్నీ’ ప్రాజెక్టులతో బిజీగా ఉంది సమంత. దీంతో మమ్ముట్టి సినిమాలో నటిస్తోందని టాక్.
