Samantha: ఆ పాత్రలు చేసి అలసిపోయానన్న సమంత!

స్టార్ హీరోయిన్ సమంత విడాకుల ప్రకటన తర్వాత ఊహించని స్థాయిలో ఆఫర్లను సొంతం చేసుకుంటున్నారు. సమంతకు వస్తున్న ఆఫర్లను చూసి అందరూ షాకవుతున్నారు. కథ నచ్చితే సమంత సైతం వెంటనే గ్రీన్ సిగ్నల్ ఇస్తున్నారు. సమంత రెమ్యునరేషన్ ను కూడా భారీగా పెంచేశారని వార్తలు వచ్చాయి. అయితే సమంత ప్రయోగాత్మక పాత్రలకే ఎక్కువగా ఓకే చెబుతుండటంతో ఆమె ఫ్యాన్స్ సైతం సంతోషిస్తున్నారు. సమంత ఒక హిందీ సినిమాకు కూడా గ్రీన్ సిగ్నల్ ఇచ్చారు.

తాజాగా ఒక ఇంటర్వ్యూలో సామ్ మాట్లాడుతూ వెబ్ సిరీస్ చేయాలనే ఆలోచన అప్పటివరకు లేదని అయితే ఫ్యామిలీ మేన్2 వెబ్ సిరీస్ డైరెక్టర్లు రాజ్, డీకే తన ఆలోచనలలో మార్పు తెచ్చారని సామ్ చెప్పుకొచ్చారు. ఆ తర్వాత నో అని చెప్పకూడదని అనుకున్నానని రాజీ పాత్ర విషయంలో అంచనాలకు మించి తనకు అభినందనలు వచ్చాయని సామ్ పేర్కొన్నారు. గ్లామర్ పాత్రల గురించి సమంత స్పందిస్తూ గ్లామర్ కు ప్రాధాన్యత ఉండే పాత్రలను చేసి అలసిపోయానని అలాంటి పాత్రలను ఇకపై చేయడానికి తాను సమర్థురాలిని కాదని భావిస్తున్నానని సామ్ అన్నారు.

ఛాలెంజింగ్ రోల్స్ లో నటించాలని తాను అనుకుంటున్నానని సామ్ చెప్పుకొచ్చారు. సౌత్ ఇండియాలో మంచి స్థానంలో ఉండటం వల్లే బాలీవుడ్ ఇండస్ట్రీకి దూరంగా ఉన్నానని సమంత వెల్లడించారు. గడిచిన రెండు సంవత్సరాలలో పరిస్థితులలో చాలా మార్పులొచ్చాయని సమంత పేర్కొన్నారు. కెరీర్ విషయంలో సమంత పర్ఫెక్ట్ ప్లానింగ్ తో ముందుకెళుతున్నారు. అయితే స్టార్ హీరోలకు జోడీగా సమంతకు ఎక్కువగా ఆఫర్లు రావడం లేదు. ఎన్టీఆర్ కొరటాల శివ కాంబినేషన్ మూవీలో సమంత పేరు వినిపిస్తున్నా ఈ ప్రాజెక్ట్ కు సంబంధించి అధికారిక ప్రకటన వెలువడలేదు.

భవిష్యత్తులో సామ్ మరిన్ని స్పెషల్ సాంగ్స్ కు ఓకే చెబుతారో లేదో చూడాల్సి ఉంది. సమంత ప్రస్తుతం నటిస్తున్న సినిమాలు సక్సెస్ సాధిస్తే ఆమెకు రెమ్యునరేషన్, క్రేజ్ మరింత పెరిగే ఛాన్స్ ఉంది. శాకుంతలం సినిమా కోసం ఫ్యాన్స్ ఆసక్తిగా ఎదురుచూస్తున్నారు.

శ్యామ్ సింగరాయ్ సినిమా రివ్యూ & రేటింగ్!

Most Recommended Video

83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!