Samantha: ‘ఉ అంటావా..’ పాటకు రొమాంటిక్ స్టెప్పులేసి సమంత, అక్షయ్..వీడియో వైరల్!

July 21, 2022 / 01:28 PM ISTByFilmy Focus

Join Us

Samantha: ‘ఉ అంటావా..’ పాటకు రొమాంటిక్ స్టెప్పులేసి సమంత, అక్షయ్..వీడియో వైరల్!

‘పుష్ప’ మూవీలో ‘ఉ అంటావా ఊ అంటావా మావా’ పాట ఇండియా మొత్తాన్ని ఓ ఊపు ఊపేసింది. మనకంటే ఎక్కువగా ఈ పాటని బాలీవుడ్‌ స్టార్స్‌ ,అలాగే అక్కడి ప్రేక్షకులు బాగా లైక్ చేశారు ఇప్పటికీ ఎంజాయ్ చేస్తున్నారు.ఫ్యామిలీ మెన్ తో హిందీ ప్రేక్షకులను అలరించిన సమంతకి ‘పుష్ప’ లో చేసిన ఐటెం సాంగ్ పాపులర్ చేసింది అని చెప్పాలి. ఇప్పుడు సమంత చాలా వరకు బాలీవుడ్ కు మకాం మార్చేసిన సంగతి తెలిసిందే.

ఎక్కడికి వెళ్లినా ఆమెకు ఈ పాట గురించే ప్రశ్నలు ఎదురవుతున్నాయి. కచ్చితంగా ఈ పాట గురించి డిస్కషన్ జరుగుతూనే ఉంది. ఇదిలా ఉండగా… తాజాగా ‘ఊ అంటావా’ సాంగ్‌ కి మరోసారి స్టెప్పులేసింది సామ్. అయితే ఈసారి ఆమెతో బాలీవుడ్ స్టార్ హీరో అక్షయ్‌ కుమార్‌ కూడా జాయిన్ అయ్యాడు! వివరాల్లోకి వెళితే.. కాఫీ విత్‌ కరణ్‌ 7వ సీజన్‌లో సామ్‌, అక్షయ్‌ ఓ ఎపిసోడ్ కోసం పార్టిసిపేట్ చేశారు.

ఇందులో భాగంగా ఎంట్రీ దగ్గర వీరిద్దరూ ‘ఊ అంటావా’ సాంగ్‌ కి డ్యాన్స్ చేసి సందడి చేశారు. సమంత.. అలవాటు పడిన స్టెప్పులే కాబట్టి బాగానే చేసింది. అయితే అక్షయ్ మాత్రం కొంచెం కష్టపడ్డాడు. ఎక్కువ సేపు ఈ పాటకి స్టెప్పులు వేయలేకో ఏమో కానీ వెంటనే సమంతని ఎత్తుకుని తీసుకెళ్లిపోయాడు.

దీనికి సంబంధించిన ప్రోమో సోషల్ మీడియాలో వైరల్ అవుతుంది. ఈ ఎపిసోడ్ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఇక సమంత నటించిన ‘యశోద’ ‘శాకుంతలం’ సినిమాలు షూటింగ్ పూర్తిచేసుకుని విడుదలకు సిద్ధంగా ఉన్నాయి. అలాగే హిందీలో, హాలీవుడ్లో కూడా సినిమాలు చేయడానికి సమంత రెడీ అయిన సంగతి తెలిసిందే.