టాలీవుడ్ టాప్ హీరోల్లో ఒకరైన సూపర్ స్టార్ మహేష్ బాబు పేరిట ఉన్న రికార్డుని క్రేజీ బ్యూటీ సమంత బద్దలుకొట్టింది. అతనికంటే ముందు నిలబడి తన సత్తాని చాటింది. రికార్డు ఏంటి, సత్తా ఏమిటి అని కన్ఫ్యూజ్ అవుతున్నారా ? ప్రిన్స్ ని సమంత మించింది సినిమాల విషయంలో కాదు.. సోషల్ మీడియాలో. స్మార్ట్ ఫోన్లు హవా మొదలవడంతో స్టార్లు ఫేస్ బుక్, ట్విట్టర్, ఇన్ స్ట్రా గ్రామ్ వంటి సోషల్ సైట్ల ద్వారా అభిమానులకు అందుబాటులో ఉంటున్నారు. ఇందులోకి హీరోలు, హీరోయిన్లు ఎంటర్ కావడమే తరువాయి ఫ్యాన్స్ వారిని ఫాలో అవుతుంటారు. వారి అప్ డేట్స్ ని ఎప్పటికప్పుడు తెలుసుకుంటుంటారు.
ట్విట్టర్లో మహేష్ బాబు 2010 ఏప్రిల్ ల్లో అకౌంట్ ఓపెన్ చేశారు. కొన్ని రోజుల్లోనే ప్రిన్స్ ని ఒక మిలియన్ అభిమానులు ఫాలో అయ్యారు. అప్పుడప్పుడూ ట్వీట్ చేస్తున్న ఆయన్ను ఫాలో అవుతున్న వారి సంఖ్య 2 .6 మిలియన్ (26 లక్షలు). కొన్ని నెలల క్రితం ఫాలోవర్స్ ప్రకారం నంబర్ 1 స్థానంలో ఉన్న మహేష్ ని సమంత తాజాగా క్రాస్ చేసింది. 2012 ఫిబ్రవరి లో ట్విట్టర్లో జాయిన్ అయిన స్యామ్ నాలుగేళ్లలో మూడు మిలియన్ మార్క్ ని చేరుకుంది. అక్కినేని నాగ చైతన్యతో ప్రేమలో ఉన్నట్లు చెప్పిన నాటి నుంచి సమంతను ఫాలో అయ్యే వారి సంఖ్య విపరీతంగా పెరిగింది. అంతేకాకుండా వీలున్నప్పుడలా అభిమానులతో ముచ్చటిస్తుండడంతో స్యామ్ ట్రెండింగ్ లో ఉంది. ఎలాగైతేనేమి సూపర్ స్టార్ ని సమంత మించిపోయింది.
Also, do SUBSCRIBE to our YouTube channel to get latest Tollywood updates.
