నాగచైతన్యతో సెపరేషన్‌ తర్వాత సమంత… జోరు పెంచింది. సినిమాల్లోనే కాకుండా సోషల్‌ మీడియాలో కూడా సమంత జోష్‌ చూపిస్తోంది. స్నేహితులు, సినిమాల మిత్రుల పోస్టులకు కామెంట్లు పెడుతోంది, టీజ్‌ చేస్తోంది, చప్పట్లు కొడుతోంది. మొత్తం సందడి సందడి చేస్తోంది. ‘ఆర్ఆర్‌ఆర్‌’ ప్రమోషన్‌ కంటెంట్‌కు ఠంచనుగా రెస్పాండ్‌ అవుతోంది. హీరోలను తెగ పొగిడేస్తోంది. ‘పుష్ప’ వచ్చాక అల్లు అర్జున్‌ను ఆకాశానికెత్తేసింది. ఇప్పుడు ఇంకో అడుగు ముందుకేసింది. హీరోతోపాటు హీరోల భార్యలను కూడా పొగిడేస్తోంది.
సమంత తొలుత నుండి ‘సోషల్‌’ పర్సన్‌. సోషల్‌ మీడియా అకౌంట్స్‌లో చాలా యాక్టివ్‌గా ఉంటుంది. ఫ్యాన్స్‌ ప్రశ్నలకు, ట్రోలింగ్‌కు పక్కాగా దీటుగా సమాధానాలు ఇస్తూ ఉంటుంది. అయితే పెళ్లి అయ్యాక ఆ జోరు కాస్త తగ్గింది. సినిమాలు, సేవ, ఇతర కార్యక్రమాలతో బిజీ అయిపోయింది. సెపరేషన్‌ తర్వాత మళ్లీ వాటిపై దృష్టి సారించింది. ‘పుష్ప’ ఐటెమ్‌ సాంగ్స్‌ విషయంలో తనపై వస్తున్న ట్రోలింగ్స్‌కు దీటుగా ఆన్సర్స్‌ ఇచ్చింది. కేవలం దీనికే పరిమితం అవ్వకుండా పొగడ్తలకు కూడా ప్లే ఇచ్చింది.
అల్లు అర్జున్‌ శ్రీమతి స్నేహా రెడ్డి రీసెంట్‌ సోషల్‌ మీడియా పోస్ట్‌ మీద సమంత చేసిన తాజా కామెంటే దీనికి ఉదాహరణ. బ్లాక్‌ కలర్‌ శారీతో స్నేహ ఒక ఫొటోను ఇన్‌స్టాగ్రామ్‌లో షేర్‌ చేసింది. దానిని అందరూ వావ్‌ అంటూ కామెంట్లు చూస్తుంటే… సమంత మధ్యలోకి ఎంటర్‌ అయ్యింది. ‘హాట్’ అంటూ ఆ పోస్ట్‌ కింద కామెంట్ చేసింది. దీంతో ఇప్పుడు ఆ కామెంట్ వైరల్‌గా మారింది. సమంత ఇంతలా ఎందుకు కామెంట్ చేసింది అని అనుకుంటున్నారు.
హీరోయిన్‌ ఫొటో కింద ఇలాంటి కామెంట్ చేస్తే… ఓకే. కానీ హీరో భార్య విషయంలో ఇలాంటి కామెంట్ చేసేసరికి… కారణమేంటబ్బా అని థింకింగ్‌ జరుగుతోంది. కొందరు సామ్‌ కామెంట్ కింద డిస్కషన్‌ మొదలుపెట్టారు. సామ్‌ చేసిన కామెంట్ కరెక్ట్‌ అని కొందరు అంటుంటే, ఇంకొందరు నీకంటే తక్కువే అంటూ సమంతను ఆకాశానికెత్తేస్తున్నారు. వాళ్ల సంగతి అటుంచితే… సమంత ఇప్పుడు ఇలాంటి ‘సోషల్‌’ మెప్పు ఎందుకు స్టార్ట్ చేసినట్లు?
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home