సినిమాపై మనసుపెట్టు త్రివిక్రమ్ – సమంత!!!

టాలీవుడ్ టాప్ దర్శకుల్లో ఒకడైన త్రివిక్రమ్ కు హీరో హీరోయిన్స్ తో పని లేకుండా వరుస హిట్స్ కొడుతున్నాడు. అంతేకాదు అసిస్టెంట్ దర్శకుడిగా సినిమాలు చెయ్యకుండా కధా రచయిత నుంచి దర్శకుడి స్తాయికి ఎదిగాడు త్రివిక్రమ్  బడా హీరోలు అడిగి మరీ త్రివిక్రమ్ తో సినిమా చేయించుకునే పరిస్థితిని తెచ్చుకున్నాడు. ఇదిలా ఉంటే సహజంగా ఈ దర్శకుడు తనతో సింక్ అయితే వారికి ఎక్కువగా అవకాశాలు ఇస్తూ..వారితోనే ఎక్కువ సినిమాలు చేస్తూ ఉంటాడు.

అదే క్రమంలో గతంలో ఇలియానాకు వరుస అవకాశాలు ఇచ్చాడు…ఆ తరువాత మన అందాల భామ సమంతా కు వరుస ఆఫర్స్ ఇస్తున్నాడు. ఈ కధ అంటే పక్కన పెడితే…తాజాగా ఈ దర్శక ధీరుడు చేసిన “అ..ఆ” సినిమా హిట్ కావడంతో ఆ సక్సెస్ మీట్ లో భాగంగా త్రివిక్రమ్ మాట్లాడుతూ…అనేక విషయాలు చెప్పాడు…వరుస సినిమాలు చేస్తూ ఉండడంతో సమంతకు తనకు మంచి స్నేహ బంధం ఏర్పడింది అని, ఆ చనువుతో సమంత నాకు ఒక సలహా ఇచ్చింది అని తెలిపాడు… ఇంతకీ సమంత ఏమందంటే…. స‌త్య‌మూర్తి షూటింగ్ న‌డుస్తోన్న టైమ్ లోనే త్రివిక్ర‌మ్ ను కాస్త మ‌న‌సు పెట్టి సినిమాలు చేయ‌మ‌ని చెప్పిందట మాయ‌లేడి.

నువ్వు మాతో మాట్లాడే సమయంలో నీ మనసుతో మాట్లాడతావు… కానీ సినిమా విషయంలోనే నీ మైండ్ ని ఎక్కువ ఉపయోగిస్తావు అని ఆమె అన్నట్లు త్రివిక్రమ్ ముసి ముసి నవ్వులు నవ్వుకుంటూ తెలిపాడు. అంతేకాకుండా అ..ఆ సినిమాకు మూలం స‌మంత మాట‌లే అన్నట్లుగా తేల్చెసాడు మన దర్శకుడు.