టాలీవుడ్ ఇండస్ట్రీలో స్టార్ హీరోయిన్గా కొనసాగుతున్నటువంటి సమంత ప్రస్తుతం తన వ్యక్తిగత కారణాల వల్ల ఏడాది పాటు సినిమాలకు బ్రేక్ ఇచ్చిన సంగతి మనకు తెలిసిందే. ఈ విధంగా నటిగా ఇండస్ట్రీలో కొనసాగుతూ ఉన్నటువంటి ఈమె ఇండస్ట్రీకి దూరంగా ఉన్నప్పటికీ సోషల్ మీడియాలో మాత్రం చాలా యాక్టివ్ గా ఉంటూ తనకు సంబంధించిన అన్ని విషయాల గురించి అభిమానులతో పంచుకుంటున్నారు. ఇకపోతే తాజాగా సమంత విజయ్ దేవరకొండ నటించిన ఖుషి సినిమా ప్రేక్షకుల ముందుకు వచ్చిన సంగతి తెలిసిందే.
సెప్టెంబర్ ఒకటవ తేదీ విడుదలైనటువంటి ఈ సినిమా ఎంతో మంచి సక్సెస్ అందుకోవడంతో చిత్ర బృందం సక్సెస్ సెలబ్రేషన్స్ నిర్వహిస్తున్నారు. ఇకపోతే ఈ సినిమా మంచి సక్సెస్ కావడంతో సమంత సైతం సోషల్ మీడియా వేదికగా చేసినటువంటి పోస్ట్ ప్రస్తుతం వైరల్ అవుతుంది. తాజాగా సమంత సోషల్ మీడియా వేదికగా స్పందిస్తూ ఈ సినిమా విడుదలకు ముందు తాను ఒత్తిడికి గురయ్యానని, ఈ సినిమా విడుదల తర్వాత తాను చాలా సంతోషంగా ఉన్నాను (Samantha) అంటూ అందుకు సంబంధించిన ఫోటోలను ఈమె షేర్ చేశారు
అదేవిధంగా ఖుషి సినిమాను సక్సెస్ చేసిన వారందరికీ ప్రత్యేకంగా కృతజ్ఞతలు తెలియజేశారు. ఇది ఎప్పుడూ సులభం కాదు.. జీవితాన్ని ఆసక్తికరంగా మార్చే కల నిజమయ్యే అవకాశమిదని పేర్కొన్నారు. సమంత ఇలా చేసిన ఈ పోస్ట్ ప్రస్తుతం సోషల్ మీడియాలో వైరల్ గా మారడంతో పలువురు ఈ పోస్ట్ పై విభిన్న రీతిలో స్పందిస్తున్నారు.
ఇక చాలా రోజుల నుంచి సమంత సరైన సక్సెస్ లేక కాస్త ఇబ్బంది పడుతున్నటువంటి తరుణంలో ఖుషి సినిమా మంచి సక్సెస్ అందుకొని తనకు కాస్త ఉపశమనం కలిగించిందని చెప్పాలి. ఇక ఈ సినిమా ఇటు విజయ్ దేవరకొండకు కూడా మంచి సక్సెస్ ఇచ్చిందని చెప్పాలి ఈయన కూడా గత కొద్దిరోజులుగా వరుస ఫ్లాపులతో ఎంతో ఇబ్బంది పడగా ఖుషి మంచి సక్సెస్ అందించింది.
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
బిగ్ బాస్ సీజన్ – 7 ఎలా ఉండబోతోందో తెలుసా?
